Shoqata e Veteranëve të Luftës së UÇK-së, javën tjetër do të portestojë para Kuvendit të Kosovës, për shkak se Kuvendi i Kosovës edhe këtë javë nuk futi në rend të ditës projektligjin për veteranët. ” Ne kemi pritur që projektligji do të hyjë në rend të ditës gjatë ditë së sotshme”, tha për rtklive.com, Faton Klinaku, sekretari i organizatës së veteranëve.
” Projektligji për Veteranët e Luftës së UÇK-së, nuk u fut sot në Kuvend sepse nuk kanë interes, ndërsa projektligji për zgjedhje u fut sot me të njëjtën procedurë sepse ju duhet për vete. Me siguri që javën tjetër do t’na keni para Kuvendit”, ka thënë Klinaku.
Sipas tij, është dashur të kryehet sot për shkak se dëgjimet publike dhe të gjitha procedurat tjera janë kryer me kohë.