Edhe një veteran i UÇK-së ka hequr dorë nga pensioni i tij për këtë muaj, në mënyrë që ta dhurojë atë shumë parash për familjet në nevojë.
Ilaz Papaj, veteran i luftës së Ushtrisë Çlirimtare të Kosovës, nga fshati Samadraxhë e Komunës së Suharekës, ka dhuruar pensionin e tij mujor për familjet në nevojë.
Lajmi u bë i ditur nga kryetari i kësaj komune, Bali Muharremaj.
“Ilmaz Papaj – Veteran i Luftës së UÇK-së nga fshati Samadraxhë, e ka dhuruar pensionin e tij mujor të veteranit për pako ushqimore, vlerë e cila do të destinohet për familjet që kanë nevojë. Jemi falenderues ndaj të gjithë atyre që po shprehin angazhimin humanitar, në këtë kohë të pandemisë”, ka shkruar Muharremaj në Facebook.