Lëvizja Vetëvendosje në Prizren, ka akuzuar kryetarin e Komunës, Shaqir Totaj, për humbjen e Grantit të Performancës.
“Komuna e Prizrenit duke mos qenë fituese e Grantit të Performancës, e ka humbur mundësinë që të investojë në projekte kapitale, të cilat do të ndikonin në përmirësimin e jetës së qytetarëve”, thuhet në reagimin e Vetëvendosjes.
Komuna e Prizrenit nuk arriti të përfitojë nga ky grant, i cili jepet nga Qeveria, Bashkimi Evropian dhe Zvicra.
Sipas LVV-së, kjo ka ndodhur si pasojë e mospunës dhe rezultateve të dobëta të kryetarit të Komunës së Prizrenit, Shaqir Totaj, dhe drejtorëve të tij .
“Edhe njëherë theksojmë se Shaqir Totaj si udhëheqës i pushtetit lokal, për dy vite ( 2022 – 2023 ) të qeverisjes së tij, afër 16 milionë euro të buxhetit të komunës i shkuan në suficit në mungesë të projekteve për qytetin e Prizrenit”./PrizrenPress.com/