0.8 C
Prizren
E premte, 3 Shkurt, 2023

Vlashi, sjell 700 vjet muzikë

Vlashi-320x303Vlashi“Durrës 700 vjet muzikë. Nga Kukuzeli deri në ditët tona”. Kjo është motoja e edicionit të dhjetë të “Netëve të muzikës klasike” që hap siparin sot në qytetin e Durrësit. Ky vit shënon dhe jubileun e parë të këtij aktiviteti të rëndësishëm për muzikën klasike në vend. Nata e parë e Bienales do të nisë në Katedralen Shën Lucia, ku kori kamertal i Filarmonisë së Kosovës, me dirigjent Rafet Rudin, do të sjellë pjesë nga Jan Kukuzeli.

Më pas, muzika klasike do të pushtojë amfiteatrin roman. Natën e tretë do të jetë muzika baroke, për t’u ndjekur më pas nga arshivat e familjes Durazzo, dhe tingujt e Vivaldit, nën interpretimin e artistëve Adelina Hasani, violinë (Holandë), Mira Ikonomi, violinë (Shqipëri), Nevila Kalaja, violinë (Shqipëri)), Moni Kuriçi, violonçel (Shqipëri),Pirro Sota, fagot (Shqipëri), Daniel Vlashi violinë (Spanjë), Florian Vlashi, violinë (Spanjë). Muzika romantike do të jetë në natën e katërt nën interpretimin e pianistëve Aksinja Xhoja dhe Erli Lila. Nuk do të mungojnë gjatë ditëve të festivalit dhe nata e yjeve të rinj, mbrëmja e muzikës shqiptare, ajo e muzikës moderne. Në shtatë ditë, të gjitha veprat do të jenë brenda strukturës tashmë të konsoliduar të festivalit. Për violinistin Vlashi, vepra më e rëndësishme që do të prezantohet në këtë jubile është “Antifonari i Durrsakut, Gjergj Danush Lapacaj” (1532). “Është padyshim një ngjarje e jashtëzakonshme për kulturën shqiptare. Do të vij ta prezantojë muzikologu Domenico Morgante, i cili e ka prezantuar për herë të parë para publikut.

Kjo vepër do të interpretohet nga Kori kamertal i Filarmonisë së Kosovës drejtuar nga Rafet Rudi në galeritë e Amfiteatrit Roman të Durrësit. Po aty do të luajë dhe kitaristi me famë botërore, Ehat Musa”, thotë Vlashi. Interesante në programin e bërë publik nga festivali është dhe pjesa “matematika dhe muzika”. Kjo pjesë është interpretuar edhe në Spanjë dhe ka pasur sukses. “Është tepër interesante si tematikë dhe sjell shumë befasi. Një prej tyre është dhe paraqitje e një vepre të Mozartit e titulluar “Lojë me zare muzikore”, që nga mënyra se si është e ndërtuar, do të jetë një premierë botërore në Shqipëri, sepse ka 46 mijë bilionë variante”, thotë Vlashi. Qëllimi i këtij aktiviteti është të ruajë traditën muzikore në vend, por dhe t’i japë hapësirë prirjeve dhe tendencave të reja.

Më Shumë

Ancelotti: Merkatoja e janarit ka përfunduar për Real Madrid-in

Carlo Ancelotti konfirmoi se tregu i transferimeve të Real Madridit është “mbyllur” të dielën, duke thënë se asnjë lojtar nuk do t’i bashkohej ose...

Mot i vranët e me reshje bore sot në Kosovë

Instituti Hidrometeorologjik i Kosovës ka bërë të ditur se gjatë dites do të mbajë mot i vranët dhe me kushte për reshje bore. Sipas IHMK-së,...

Lajmet e Fundit