Deputeti i Nismës Zafir Berisha ka thënë se në Kosova po rrëshqet drejtë një diktature. Sipas tij, logjika komuniste e Isa Mustafës tashmë po legjitimohet.
Berisha thotë se do të vije dita kur kjo Qeveri do të japë llogari para qytetarëve.
Postimi në Facebook
Skaneri nuk është zgjidhja e problemit në Kosovë, shpenzimi i 250 mijë eurove për këtë Skaner dhe miliona eurove tjera që shpenzohen për ta mbajtur pushtetin me dhunë është tregues i keq për vendin tonë, sepse me këtë Kosova po rrëshqet drejtë diktaturës dhe njëmendësisë në Kuvendin e Kosovës dhe me dashje apo pa dashje po legjitimohet logjika komuniste e Isa Mustafës, ku ata të cilët nuk mendojnë sikur ai duhet të ndëshkohen, këtë gjë fillimisht e ka bërë në partinë e tij dhe tash këtë logjikë komuniste e ka sjellë edhe në Kuvendin e Republikës së Kosovës.
Vazhdimi i seancës pa opozitën është mesazh jo i mirë për demokracinë dhe pluralizmin në Kosovë, ndërsa pasojat për këtë situate në të cilët gjendet Kosova do ti vuaj qytetari I vendit.
Opozita me veprimet e sajë do të vazhdojë ti rezistoj kësaj qeverie antikushtetuese me një mobilizim gjithë qytetarë për ta shpëtuar vendin nga fundosja..
Injorimi dhe bojkotimi opozitarë do të arrijë që t’ia heq maskën kësaj Qeverie dhe për t’ia nxjerrë ne dritë fytyrën e vërtetë komuniste dhe kriminale.
Vetëm tek ne në Kosovë ka njerëz që edhe tradhtinë ndaj atdheut mundohen ta kamuflojnë si veprim politik, që është një fatkeqësi ndaj të cilës nëse nuk vetëdijesohemi shpejt, dikur do të jetë vonë.
Herët apo vonë kjo qeveri esatiste do të përgjigjet para qytetarëve për demin që është duke ja bërë Republikës, me faktorizimin e Serbisë në Kosovë dhe që po na e vë në pikëpyetje ambicien legjitime të Kosovës për një shtet demokratik.
Z.B