Klubi i Sevilla-s e ka mposhtur konkurrencën e Juventus-it për të fituar shërbimet e futbollistit të Manchester United, Anthony Martial.
Sipas asaj që raportojnë mediat angleze, Martial sikurse edhe klubi i Manchester-it kanë arritur marrëveshje me ekipin andaluzian.
Formula e transferimit do të jetë huazim deri në fund të sezonit, pa obligim blerje, vetëm nëse klubet arrijnë një tjetër marrëveshje.
Kësisoj Sevilla ka mposhtur Juventus-in në garë për francezin i cili gjatë ditëve të ardhshme do të udhëtojë drejt Spanjës për testet mjekësore.
Kujtojmë që sulmuesi 26 vjeçar ka qenë disi nën hijen e Manchester-it, i cili këtë sezon ka luajtur vetëm 210 minuta në Premier Leauge.
Ai u transferua te “djajtë e kuq” në verën e vitit 2015 nga skuadra e Monaco-s, për të cilin shpenzuan 60 milionë euro.
Për gati shtatë vite, Martial numëron 269 paraqitje në të gjitha garat me fanellën e kuqe, prej të cilave ka shënuar 79 gola.
/Albanianpost.com