Në ditën e tretë të fushatës për raundin e dytë të zgjedhjeve për kryetar të Komunës së Mamushës kandidati Abdulhadi Krasniq nga Partia Demokratike Turke e Kosovës tha se prioritet I tij mbetet kujdesi shëndetësor.

Ai rikujtoi se gjatë mandatit të tij, komuna ka përjetuar një transformim të rëndësishëm në këtë fushë nga rritja e furnizimit me ilaçe e pajisje mjekësore, deri tek zgjerimi i shërbimeve 24-orëshe për qytetarët.

“Ne e kemi nxjerrë nga hija Qendrën e Shëndetit Familjar dhe e kemi kthyer në model të shërbimit publik. Kemi forcuar stafin shëndetësor me 150 për qind, kemi shtuar dy ambulanca të reja dhe kemi krijuar ekipin mobil që shkon tek pacientët në shtëpitë e tyre” deklaroi Krasniq, duke premtuar vazhdimësi të projekteve nëse fiton një mandat të ri.

Ndërkohë, kandidati i Mamusha Halk Hareketi, Fikret Morina, e përqendroi mesazhin e tij tek bashkimi qytetar dhe vizioni për një Mamushë më të fortë e më të bashkuar. Ai njoftoi për organizimin e aktiviteteve dhe udhëtimeve të bashkëqytetarëve nga diaspora drejt Mamushës në kuadër të raundit të dytë të zgjedhjeve, që mbahen të dielën më 9 nëntor.

“Kjo rrugë nuk është vetëm një udhëtim, por rrugë e unitetit, e besnikërisë dhe dashurisë për atdheun tonë. Le të qëndrojmë së bashku për të mbrojtur të ardhmen e Mamushës,” u shpreh Morina në një komunikatë përkrahësve të tij.

Marketing

Express Kredi nga BiCredit

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Kryetari i Bashkimit Demokratik në Prizren, Zafir Berisha, ka reaguar ashpër ndaj kryetarit aktual të Komunës, Shaqir Totaj, duke e cilësuar si “infantil politik”.

Ai ka akuzuar koalicionin PDK-LDK për manipulim të intervistës së tij televizive, duke pretenduar se janë bërë prerje të qëllimshme për të deformuar mesazhin e tij dhe për të ndikuar votuesit në rajonin e Hasit.

“Shaqa si infantil politik që është, edhe njëher paska ra viktim e Hazizit dhe pazargjinjëve rreth tij. Tendenca për ti dhën kahje tjetër një deklaratës time, një në tv. lidhur me arsyen pse unë jam përcaktu për Artanin dhe jo Shaqën, tregon panikun që i ka kapluar kualicionin e hajdutëve PDK-LDK”, shkruan Berisha në Facebook.

“Kur kam folë se kush është Shaqa e kush është Artani, unë nuk e kam besu se Shaqa që e ka pasur babën furraxhi dhe me djersën e ballit e ka rritë dhe shkolluar, ndihet i ofenduar. Përkundrazi, ai duhet të ndihet krenar që është djali i një furraxhi të ndershëm që ka punu edhe në Serbi ku ka lindën Shaqa, për tu kujdesur për mirqenjen e familjesë së vetë me nderë”.

“Unë jamë djali i një muratori që e ka lën shnetën për familjen tonë si mërgimtar në Gjermani, dhe krenohem për këtë, nëse dikush me thotën djali i muratorit, unë do ndihem shumë krenarë, jo i ofenduar! Ata që dojnë me ditën të vërtet se çka kam thën dhe si e kam thën, se kush është Shaqa dhe kush është Artani, munden me përciellën emisionin nga minuta 40, jo pallavrat e Haziz Hodës që po luan… me Shaqën, dhe me prerjet e intervistës time nga bandat e kualicionit të hajdutëve e që po e përdorin në rrijete sociale, për të përfituar ndonjë votë më shumë në rajonin e respektuar Hasit, të cilën si furrtarë e nderojn shqiptarin kudo nëpër botë. Hajna të të gjitha ngjyrave, që jeni bë bashkë me vjedhën Prizrenin, me 9 nëntor e keni fundin”, shkruan ai.

Marketing

Express Kredi nga BiCredit

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Kryetari i Bashkimit Demokratik të Prizrenit (BDP), Zafir Berisha, ka mbajtur sot një takim me strukturat dhe mbështetësit e subjektit të tij politik, ku ka bërë publike vendimin për të mbështetur kandidatin Artan Abrashi në garën për kryetar të Prizrenit.

Në fjalimin e tij para të pranishmëve, Berisha theksoi se qëllimi i këtij bashkimi është mbrojtja dhe forcimi i së ardhmes së qytetit, duke ruajtur besimin që, sipas tij, është ndërtuar me mund dhe përkushtim ndaj Prizrenit.

Express Kredi nga BiCredit

“Prizreni nuk është thjeshtë një qytet, është zemra e kulturës, e bashkëjetesës dhe e krenarisë shqiptare. Është qyteti ku historia e Kosovës flet në çdo gur, në çdo rrugë e në çdo njeri që punon ndershëm për këtë vend”, tha Berisha.

 

 

Ai nënvizoi se Bashkimi Demokratik i Prizrenit nuk është vetëm një parti, por një zë i qytetarëve dhe forca e bashkimit, ndërsa mbështetja për Abrashin përfaqëson një vendim “të mençur, të përgjegjshëm dhe strategjik”.

Banesat më të kërkuara në Prizren – Bëhu pronar në Foleja Residence!

“Të mbështesim Artan Abrashin si kandidatin që mund ta çojë Prizrenin drejt zhvillimit, transparencës dhe progresit të vërtetë. Kjo nuk është thjeshtë një mbështetje politike, është një aleancë për qytetin, për të rinjtë që kërkojnë mundësi, për familjet që duan siguri dhe për bizneset që duan zhvillim”, u shpreh ai.

Berisha u bëri thirrje të gjithë anëtarëve e mbështetësve të BDP-së që më 9 nëntor të mobilizohen në çdo lagje e çdo familje për ta mbështetur Abrashin, duke e quajtur këtë votë “një votë për Prizrenin që duam të drejtë, punëtor dhe modern”.

 

 

“Kur BDP-ja flet, Prizreni dëgjon. Kur BDP-ja vepron, Prizreni ndryshon. Dhe kur BDP-ja bashkohet, fiton Prizreni”, deklaroi Berisha.

Marketing

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Gjatë kontrolleve të zhvilluara në orët e fundit në Pikën e Kalimit Kufitar Vërmicë, janë evidentuar dy raste të ndryshme të tentativave për kalim të mallrave pa deklarim doganor.

Zyrtarët doganorë kanë ndaluar të dy automjetet, drejtuesit e të cilëve kishin deklaruar se nuk posedonin mallra për deklarim. Megjithatë, gjatë kontrolleve të detajuara, në të dy automjetet janë zbuluar sasi të konsiderueshme mallrash të padeklaruara, në vlerë totale rreth 8,000 euro.

Express Kredi nga BiCredit

 

“Mallrat e padeklaruara përfshinin:- Veshmbathje dhe tekstil si: trenerka, xhaketa, peshqira, mbulesa krevati, fustane, etj.- Produkte kozmetike dhe farmaceutike si: kremra, vajra, pika për sy, mjaltë mjekësor, ilaçe për përdorim të ndryshëm- Vegla pune elektrike si: sharra elektrike, trapanë, aku-veglash të markave të ndryshme, pajisje ndërtimi- Produkte elektronike dhe aksesorë për automjete si: pajisje audio, kamera, drita LED, ndëgjuese, mbajtëse telefoni, jastëkë automjeti, etj.- Artikuj tjerë të ndryshëm si: çanta, parfume, libra, sete pedikyri, pajisje pastrimi, etj”, ka njoftuar Dogana e Kosovës.

Tutje, thuhet se në të dy rastet, mallrat janë ndaluar përkohësisht, ndërsa ndaj personave të përfshirë janë nisur procedurat për kundërvajtje doganore për mosdeklarim të mallit, në bazë të nenit 244 të Kodit Doganor dhe të Akcizave të Kosovës (KDAK).

Banesat më të kërkuara në Prizren – Bëhu pronar në Foleja Residence!

“Dogana e Kosovës do të vazhdojë angazhimin e saj në luftimin e kontrabandës dhe tregtisë së paligjshme, me qëllim mbrojtjen e tregut dhe ekonomisë vendore, si dhe rikujton të gjithë qytetarët dhe udhëtarët se deklarimi korrekt i mallrave në kufi është detyrim ligjor, ndërsa mosdeklarimi i tyre përbën shkelje ligjore”, vijon komunikata.

Marketing

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren