Banorët e fshatrave Grazhdanik, Kobaj dhe një pjese të Nashecit në komunën e Prizrenit kanë protestuar në shenjë pakënaqësie për mungesën e energjisë elektrike, e cila po zgjat tashmë shtatë ditë radhazi.

Protesta është zhvilluar në udhëkryqin që lidh këto tri fshatra, me kërkesën për ndërhyrje urgjente nga ana e KEDS-it, i cili sipas banorëve dhe përfaqësuesve lokalë, nuk ka ofruar një zgjidhje konkrete deri tani, përkundër kontakteve të përsëritura.

“Jam me fëmijë të sëmurë 34 vjeç, nuk kam ku me la. KEDS-i nuk reagon, por kur vjen puna me paguar, po”, deklaroi Gjergj Berisha, banor i Grazhdanikut.

“Kemi pas një festë më 17 gusht, dhe shumë bashkëfshatarë blenë ushqime që u prishën. Kjo ka shkaktuar humbje të mëdha”, shtoi Kolë Boqaj.

“Bleva agregat të vogël, por sendet u dogjën. Jemi në gjendje të rëndë”, tha Vitor Kala, një tjetër banor i Grazhdanikut.

Sipas Shukri Qunit, përfaqësues i fshatrave protestuese, defekti ka ndodhur më 14 gusht, dhe kërkesat për takim me zyrtarët e KEDS-it në Prizren nuk janë përfillur. Ai theksoi se situata është e rënduar, veçanërisht për familjet me anëtarë të sëmurë apo të moshuar.

Nga ana tjetër, KEDS ka deklaruar përmes një përgjigjeje me shkrim se defekti është i lidhur me një ndërhyrje të paautorizuar në rrjetin e tensionit të mesëm, që ka ndodhur para gjashtë vitesh. Zëdhënësi i KEDS-it, Lulzim Krasniqi, theksoi se terreni nuk lejon rregullimin e linjës ekzistuese, por kompania ka ofruar një zgjidhje alternative përmes vendosjes së tri shtyllave elektrike buzë rrugës – propozim që, sipas tij, është refuzuar nga banorët.

“Ekipet tona kanë qenë dje në vendin e ngjarjes për të instaluar shtyllat, por prapë janë ndaluar. Rasti është raportuar edhe te Policia e Kosovës”, thuhet në reagimin e KEDS-it.

Ndërkohë, përfaqësuesit e fshatrave paralajmërojnë një protestë të re për të enjten në mëngjes, në rast se situata nuk gjen zgjidhje./rtk/

Marketing

Banesat më të kërkuara në Prizren – Bëhu pronar në Foleja Residence!

Mos e humb verën – udhëto me Halimaj Reisen!

Hotel Albes Residence – Qetësi, komoditet dhe evente të paharrueshme në zemër të Korishës së Prizrenit

Freski e përditshme me çmim të zbritur – zgjidh aparatet e ujit Bruno!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Bruno & Brentoni Home me super oferta që nuk duhen humbur në Prizren!

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Kandidati i Lëvizjes Vetëvendosje për kryetar të Komunës së Prizrenit, Artan Abrashi, zhvilloi sot një vizitë në Klubin e Futbollit “Liria”.

Gjatë vizitës, Abrashi nënvizoi rëndësinë e këtij institucioni sportiv si pjesë e identitetit kulturor e sportiv të Prizrenit dhe prezantoi projekte konkrete që përkrahin zhvillimin e infrastrukturës dhe promovimin e sportit në nivel lokal.

Banesat më të kërkuara në Prizren – Bëhu pronar në Foleja Residence!

“Ministria e Kulturës, Rinisë dhe Sportit ka planifikuar një investim prej 13 milionë euro për rikonstruksionin e stadiumit të qytetit, i cili do ta kthejë Prizrenin në një qendër të rëndësishme sportive në vend”, tha Abrashi.

Mos e humb verën – udhëto me Halimaj Reisen!

Ai prezantoi një pjesë të planit të qeverisjes lokale që përfshin integrimin e futbollit si aktivitet jashtëmësimor në shkolla, përmes krijimit të një lige shkollore, sigurimit të pajisjeve, transportit dhe një bashkëpunimi të drejtpërdrejtë me KF ‘Liria’ për zhvillimin profesional të talenteve të rinj.

Ky vizion i ri për sportin synon jo vetëm fuqizimin e klubeve lokale, por edhe ndërtimin e një kulture të shëndetshme dhe aktive për të rinjtë e Prizrenit./PP/

Marketing

Hotel Albes Residence – Qetësi, komoditet dhe evente të paharrueshme në zemër të Korishës së Prizrenit

Freski e përditshme me çmim të zbritur – zgjidh aparatet e ujit Bruno!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Bruno & Brentoni Home me super oferta që nuk duhen humbur në Prizren!

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Nga Sindikata e Bashkuara e Arsimit, Shkencës dhe Teknologjisë ditë më parë deklaruan se nëse deri më 20 shtator nuk fillon dialogu me MASHT-in, sindikata do ta thërrasë Këshillin drejtues për të shqyrtuar situatën dhe mund të ndërmarrë veprime sindikale, përfshirë edhe grevën.

E SBASHK-u sot lidhur me këtë çështje ka lëshuar një njoftim për media.

SBASHK thekson se duke parë se ende nuk kemi institucione me të cilat do të dialogonim, apo ndaj të cilave do të drejtoheshin veprimet sindikale, SBASHK-u deklaron se është i gatshëm për veprime – qoftë për takime e dialog, qoftë për veprime sindikale e grevë.

Duke respektuar vendimin e Kongresit të Jashtëzakonshëm për angazhime, që me dialog me Qeverinë dhe MASHTI-n deri më 20 gusht të realizohen kërkesat legjitime të anëtarësisë, e nëse institucionet nuk tregojnë gatishmëri për dialog të bëhen përgatitje për veprime sindikale, Kryesia e SBASHK-ut mbajti sot, më 20 gusht, takim dhe, në konsultim edhe me shumë prej kryetarëve të nivelit komunal e të universiteteve, analizoi situatën aktuale duke shprehur shqetësim për moskrijimin e institucioneve, me të cilat do të zhvilloheshin takime dhe do të provohej fillimisht që me dialog të zgjidheshin kërkesat legjitime të anëtarësisë.

Në rast se vullneti i institucioneve për dialog do të mungonte, atëherë do të ndërmerreshin veprime sindikale, pa përjashtuar as grevën e përgjithshme.

Duke parë se ende nuk kemi institucione me të cilat do të dialogonim, apo ndaj të cilave do të drejtoheshin veprimet sindikale, SBASHK-u deklaron se është i gatshëm për veprime – qoftë për takime e dialog, qoftë për veprime sindikale e greva – dhe kështu do të veprojë, duke respektuar zërin e anëtarësisë me të krijuar institucionet e shtetit tonë.

Marketing

Banesat më të kërkuara në Prizren – Bëhu pronar në Foleja Residence!

Mos e humb verën – udhëto me Halimaj Reisen!

Hotel Albes Residence – Qetësi, komoditet dhe evente të paharrueshme në zemër të Korishës së Prizrenit

Freski e përditshme me çmim të zbritur – zgjidh aparatet e ujit Bruno!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Bruno & Brentoni Home me super oferta që nuk duhen humbur në Prizren!

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Ka dështuar edhe përpjekja e 55-të për konstituimin e legjislaturës së nëntë të Kuvendit të Kosovës.

Në vazhdimin e parë të seancës konstituive pas aktgjykimit të ri të Gjykatës Kushtetuese kandidatja e Lëvizjes Vetëvendosje, Albulena Haxhiu, e më pas edhe kandidatja tjetër, Donika Gërvalla kanë dështuar t’i marrin votat e mjaftueshme për t’u zgjedhur kryeparlamentare.

Fillimisht në emër të LVV-së, Glauk Konjufca propozoi për kryeparlamentare Albulena Haxhiun. Në votimin e hapur 57 deputetë kanë votuar për, 56 kundër dhe 3 deputetë kanë abstenuar. Më pas, Konjufca propozoi edhe kandidaten e dytë. Kësaj radhe ishte Donika Gërvalla. Edhe për kandidaten e dytë rezultati ishte i njëjtë: 57 pro, 56 kundër dhe 3 abstenime. Kjo situatë e shtyu kryesuesin e seancës, Avni Dehari që ta ndërpresë seancën dhe vazhdimin e saj ta paralajmërojë pas 48 orësh.

Speciale në RTK: Vazhdon seanca konstituive e Kuvendit të Kosovës|LIVE

Sot, me fillim nga ora 11:00, është thirrur vazhdimi i seancës konstituive të Kuvendit të Kosovës, pas publikimit të aktgjykimit të plotë të Gjykatës Kushtetuese, e cila ka përcaktuar rregulla të reja për konstituimin e organit ligjvënës.

Deputetja e LVV-së, Albulena Haxhiu nuk ka dashur të komentojë asgjë para fillimit të kësaj seance. Përkundër pyetjeve të gazetarëve, ajo nuk ka dhënë përgjigje nëse ajo do të heqë dorë nga përpjekja për t’u bërë kryetare e Kuvendit nëse nuk merr votat e mjaftueshme.

Ndërkohë, kryetari i AAK-së, Ramush Haradinaj, përsëriti qëndrimin e këtij subjekti se nuk kanë votë për Albulena Haxhiun.

Ai tha se AAK-ja do të votonte ndonjë emër tjetër nga LVV-ja, siç janë ish-kryeparlamentari, Glauk Konjufca, ish-nënkryetarja e Kuvendit, Saranda Bogujevci ose deputetja Shqipe Selimi.

E zëvendëskryeministrja në detyrë nga radhët e komunitetit boshnjak, Emilija Rexhepi, tha se e respekton aktgjykimin e Kushtetueses, derisa konfirmojë se do ta votojë kandidaten e LVV-së për kryetare të Kuvendit, Albulena Haxhiun.

Në këtë seancë pritet të mblidhen 120 deputetët e legjislaturës së 9-të, për të vijuar procesin e zgjedhjes së kryetarit të Kuvendit, si dhe për konstituimin e organeve të tjera udhëheqëse.

Pas publikimit të aktgjykimit, afati 30-ditor për përfundimin e konstituimit ka nisur zyrtarisht, duke e vënë Kuvendin dhe subjektet politike përballë një presioni institucional dhe kushtetues për të siguruar funksionalitetin e plotë të institucionit.

Presidentja e Republikës së Kosovës, Vjosa Osmani, ka vlerësuar se konstituimi i Kuvendit është një urgjencë shtetërore, duke theksuar rëndësinë e krijimit të institucioneve të reja në këtë periudhë sfidash globale dhe zhvillimesh të ndjeshme rajonale.

Sipas Presidencës, zvarritja e procesit deri më tani ka dëmtuar jo vetëm besueshmërinë e institucioneve dhe zhvillimin e brendshëm, por edhe pozicionin ndërkombëtar të Kosovës.

Ndërkohë, analistët politikë dhe njohësit e çështjeve juridike kanë paralajmëruar se, pa një marrëveshje politike, konstituimi i Kuvendit mbetet i vështirë.

Juristi Mazllum Baraliu tha se është momenti të tejkalohet retorika e bllokadave dhe të vihet funksionaliteti institucional në fokus.

Po ashtu, analisti Dorajet Imeri deklaroi se momentumi i tanishëm, që ka mbajtur peng jetën institucionale të vendit, duhet të përmbyllet me një marrëveshje politike në shërbim të stabilitetit dhe demokracisë.

Sipas aktgjykimit të Gjykatës Kushtetuese, Kuvendi duhet të zgjedhë kryetarin e tij përmes votimit të hapur, brenda 30 ditësh, me jo më shumë se tri raunde votimi për të njëjtin kandidat.

Marketing

Banesat më të kërkuara në Prizren – Bëhu pronar në Foleja Residence!

Mos e humb verën – udhëto me Halimaj Reisen!

Hotel Albes Residence – Qetësi, komoditet dhe evente të paharrueshme në zemër të Korishës së Prizrenit

Freski e përditshme me çmim të zbritur – zgjidh aparatet e ujit Bruno!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Bruno & Brentoni Home me super oferta që nuk duhen humbur në Prizren!

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren