Aktori hollivudian George Clooney dhe e fejuara e tij Amal Alamuddin, avokate për të drejtat e njeriut, po planifikojnë detajet e dasmës së tyre e cila do të zhvillohet në Venecia të Italisë, pikërisht ditën e një njëvjetorit të takimit të tyre.
Fillimisht planet e tyre për martesë ishin në Hollivud por ndryshuan mëndje pasi Italia ofron më shumë privatësi.
PDK dhe LDK duhet ta krijojnë koalicionin qeveritar, për të reflektuar stabilitet dhe siguri për të gjithë. Por mbi të gjitha, për të aprovuar të gjitha ndryshimet që në mandatin e shkuar kanë vuajtur nga pafuqia e koalicionit që ka qenë i dobët dhe të vogël. Në gjirin e vet Qeveria e Re LDK-PDK mund të përfshijë partitë tjera, por me 20 vendet e rezervuara minoritare, LDK-PDK+Minoritetet mund t’i arrijnë 85 deputet në Kuvendin e Kosovës. Në këtë mënyrë krijohen mundësitë edhe 2/3 e votave të grupeve minoritare, sa herë që ka nevojë.
Tash duhet ta krijojmë Ushtrinë, duhet të bëjmë ndryshime rrënjësore të Kushtetutës – përfshirë edhe votimin e hapur për President; duhet të krijohet fondit për punësim – që i hapë rrugë zhvillimit ekonomik; të vazhdohet zhvillimi dhe avancimi i fushës së Drejtësisë me të gjitha modelet e reja; dhe mbi të gjitha – kemi nevojë për një IMAZH të qëndrueshëm ndërkombëtar.
Stabiliteti i institucioneve të Kosovës, nënkupton edhe Liberalizim të Vizave, nënshkrim të marrëveshjes më BE-në për Asocim Stabilizim si dhe fillimi i negociatave për anëtarësim në Bashkimin Evropian.
Zgjedhjet ishin të qëndrueshme dhe tash edhe Qeveria e re duhet të jetë e qëndrueshme. Kosova ka nevojë të integrohet shpejt në OKB, NATO dhe BE.
Takimi me Kancelaren Merkel me 28 gusht i z. Thaçi dhe z. Mustafa, do të ishte e dëshirueshme që të dy të shkojnë si ekip, si Qeveri dhe mos t’i bartim pasojat që mund të jenë të paevitueshme në fushën politike.
Poashtu, koordinimi me SHBA-ne dhe të gjitha institucionet e BE-së, përfshirë këtu edhe Këshillin e Evropës, Komisionin Evropian dhe Parlamentin Evropian, është esencial dhe është i mundur në koalicion të këtyre dy partive. Koalicioni PDK-LDK e forcon edhe raportin me OSBE-në, që tash për tash është i brishtë.
Analisti Astrit Gashi ka thënë se partitë opozitare, LDK, VV dhe AAK, nuk arritën të dërgojnë në vend disponimin qytetar për ndryshime. Ai konsideron udhëheqësit e partive duhet të reflektojnë më shumë.
Më poshtë mund të lexoni postimin e Gashit në Facebook.
“Po e riperseris: Partite opozitare, kush me shume e kush me pak- e ketu hisja kryesore i bjen LDK, por copa edhe VV e AAK- nuk arriten te dergojne ne vend disponimin qytetare per ndryshime (rreth 70 per qind).
Qytetaret e thane mendimin e tyre, por nuk i besuan asnje partie opozitare. Bajraktaret e ketyre partive- duhet te reflektojne pak me shume.
Mediat e shoqeria civile duhet te ndihen krye-larte se per sa e sa vite me dinjitet e duke sfiduar joshjet raportuan qeverisjen e keqe te shume viteve. E kane kry detyren e tyre- qe te jene “watchdog” te pushtetit.
Per ne puna e njejte vazhdon- kushdo qe te jete ne qeverine e se nesermes. Sot natyrisht se ndihem krenar me punen qe kjo shoqeri beri. Do te vazhdojme!” (sic), ka shkruar Gashi.
Të hënën është ndarë nga jeta Hajriz (Halim) Demaku, veterani dhe njëri prej themeluesve të nacional – demokrates shqiptare. Hajriz Demaku ishte ushtari i fundit i Shaban Polluzhës.
Varrimi i të ndjerit bëhet të martën (nesër) në varrezat e qytetit të Prishtinës.
Hajriz Demaku, është edhe babai i shkrimtarit të mirënjohur Daut Dema
Naser Rugova, të cilit udhëheqja aktuale e LDK-së nuk i gjeti vend për ta futur në listën për deputet, ka reaguar për rezultatin e kësaj partie të marrë në zgjedhjet e 8 qershorit.
Rugova ka thënë se LDK-ja pas zgjedhjeve parlamentare ka nevojë për një gjak të ri, por mbi të gjitha për një frymë të re. “Gjëja më e lehtë është që ta kërkojmë ‘kokën e turkut’ dhe që dështimin ta lidhim me një emër të caktuar. Përgjegjësia qëndron në një garniturë të tërë, që në këtë fushatë e përçoi mesazhin e pagjakësisë, arrogancës dhe mendjemadhësisë, logjikës së përjashtimit, vetëkënaqjes, ngufatjes së gjakut të ri dhe bllokimit të brezit të ri dhe të mesëm të partisë”, ka shkruar Rugova në profilin e tij në Facebook.
Deklarata e plotë e Naser Rugoves:
TA NISIM FILLIMIN E RI!
Të gjithë ne e kemi pritur një të hënë ndryshe, një 9 qershor të kthesës, një ditë të shkëputjes nga fryma e keqe që e ka zaptuar këtë vend, por sot jemi aty ku jemi. Dhe jemi shumë larg nga ku do të donim të ishim. Megjithatë, nëse i lexojmë mirë rezultatet e zgjedhjeve, shihet qartë se pjesa më e madhe e elektoratit nuk i beson më Hashim Thaçit, as PDK-së dhe as misionit të tij të ri. Por elektorati nuk tregoi besim as ndaj nesh: Thjesht na dënoi!
Sidoqoftë, kjo ditë nuk është ditë për heshtje zie dhe as nuk është ditë për të ulur kokën. Sot është një ditë për të shikuar drejt të ardhmes dhe për të filluar punën për një të nesërme më të mirë. Sot është një ditë për të reflektuar, sepse elektorati asnjëherë nuk ka faj: Kemi faj ne që nuk kemi ditur ta fitojmë besimin e tyre.
Sot nuk është as edhe ditë për të uruar “fitore të pastër”. Është e vërtetë se rezultati është ky që është (padyshim është fitore e PDK-së), por është larg nga të qenit “fitore e pastër”.
Ta varfërosh popullin dhe më pas të mbledhësh votat në këmbim të “dhuratave të babadimrit” është larg nga diçka që mund të quhet e pastër. T’i kushtëzosh nëpunësit civilë me bukën e tyre të gojës është larg nga diçka që mund të quhet fitore e pastër. Prandaj, për aq sa është korrekte që të urohet fituesi, po aq është edhe fisnike që të përmbahemi nga kualifikimet e tepërta.
Sot, po ashtu nuk është një ditë për të kërkuar fajtor dhe për të filluar valë akuzash ndaj njëri-tjetrit.
Gjëja më e lehtë është që ta kërkojmë “kokën e turkut” dhe që dështimin ta lidhim me një emër të caktuar. Përgjegjësia qëndron në një garniturë të tërë, që në këtë fushatë e përçoi mesazhin e pagjakësisë, arrogancës dhe mendjemadhësisë, logjikës së përjashtimit, vetëkënaqjes, ngufatjes së gjakut të ri dhe bllokimit të brezit të ri dhe të mesëm të partisë. Këto zgjedhje tregojnë se nuk është dënuar LDK-ja, por është dënuar kjo garniturë, sepse elektorati thjesht më nuk beson se këta individë kanë më diçka për të ofruar. Megjithatë, unë nuk jam ithtar i humbjes së njerëzve, kushdo qofshin ata.
Por, ajo çfarë ndodhi tashmë ndodhi. Pyetja është se çfarë do të bëjmë nesër?
Thjesht, duhet bërë atë që e bëjnë të gjitha subjektet e pjekura: Duhet gjetur një tranzicion të shëndoshë dhe të natyrshëm nga një gjeneratë më e vjetër në një gjeneratë më të re. Dhe, kjo është më e rëndësishmja, kjo gjeneratë e re duhet ta japë një shembull ndryshe, një shembull më të mirë.
Prandaj, sot, në vend se të shpallim humbjen në këto zgjedhje, duhet të shpallim ditën e parë të reformimit substancial, të tërësishëm dhe në të gjitha nivelet të LDK-së.
Sot duhet të jetë dita e parë e fillimit të ri. Kjo do të thotë se zgjedhjet në parti duhet të jenë të fokusuara në reformim përmbajtjesor dhe jo vetëm në ndryshim të kuadrove, sepse zgjedhjet e 8 qershorit treguan se presidenti Rugova nuk mund të ngritët nga varri që t’i fitojë zgjedhjet për ne.
LDK-ja ka nevojë për një gjak të ri, por mbi të gjitha për një frymë të re.
Një frymë të fitores.
Kryetari i LDK’së, Isa Mustafa deklaroi pak çaste më parë se nuk do të jap dorëheqje nga kreu i LDK’së përkundër humbjes që pësoi dje.
(E plotesuar) “Nuk kam kohë për dorëheqje. Kemi shumë punë për të bërë. Zgjedhjet e brendshme në LDK mbahen në vjeshtë”, tha Mustafa.
Me kënd po tallet LDK: Jemi partia më e madhe në vend
Lidhja Demokratike e Kosovës e konsideron vetën si partinë më të madhe në vend, pavarësisht se nga më se 99 përqind të votave të numëruara ajo ngec me rreth 5 përqind prapa PDK’së .
Më poshtë mund të lexoni deklaratën e LDK’së.
Lidhja Demokratike e Kosovës e vlerëson procesin e djeshëm zgjedhor për Kuvendin e Republikës së Kosovës.
Lidhja Demokratike e Kosovës e cmon lart kulturën e sjelljes së qytetarëve të Kosovës gjatë gjithë procesit.
Lidhja Demokratike e Kosovës falënderon institucionet që e kanë përgatititur dhe administruar procesin.
Lidhja Demokratike e Kosovës falënderon të gjitha strukturat e saj, të gjithë aktivistët, si dhe komisionerët dhe vëzhguesit që me punën e tyre ndihmuan për një proces të regullt zgjedhor.
Lidhja Demokratike e Kosovës falënderon të gjithë votuesit e saj, të cilët edhe një herë, me votën e tyre, e mbështetën fuqimisht LDK-në.
Me votën e fituar si parti që ka garuar e vetme në zgjedhje, LDK-ja u konfirmua si partia më e madhe në vend.
Lidhja Demokratike e Kosovës do të respektojë vullnetin e votuesve të saj në të gjitha vendimet që do të marrë.
Lidhja Demokratike e Kosovës do të presë certifikimin e rezultateve nga ana e Komisionit Qendror të Zgjedhjeve për të dalë me një qëndrim përfundimtar rreth ecurisë së procesit.
Lidhja Demokratike e Kosovës, përmes një komunikate për media, pas mbledhjes së Kryesisë, ka thënë se e vlerëson procesin e djeshëm zgjedhor për Kuvendin e Kosovës.
LDK thotë se e çmon lart kulturën e sjelljes së qytetarëve të Kosovës gjatë gjithë procesit, ndërsa ka falënderuar institucionet që e kanë përgatitur dhe administruar procesin.
“Lidhja Demokratike e Kosovës falënderon të gjitha strukturat e saj, të gjithë aktivistët, si dhe komisionerët dhe vëzhguesit që me punën e tyre ndihmuan për një proces të rregullt zgjedhor. Lidhja Demokratike e Kosovës falënderon të gjithë votuesit e saj, të cilët edhe një herë, me votën e tyre, e mbështetën fuqimisht LDK-në”, thuhet në komunikatën e LDK-së.
“Me votën e fituar si parti që ka garuar e vetme në zgjedhje, LDK-ja u konfirmua si partia më e madhe në vend”, thuhet më tej në komunikatë.
Lidhja Demokratike e Kosovës thotë se do të respektojë vullnetin e votuesve të saj në të gjitha vendimet që do të marrë, ndërsa thekson se do të presë certifikimin e rezultateve nga ana e KQZ-së për të dalë me një qëndrim përfundimtar rreth ecurisë së procesit. /PrizrenPress.com/
Një banor i fshatit Mushtisht të Suharekës ka humbër jetën nga goditja e rrymës.
“Sot rreth orës 10:30, një amvise e pa kujdesshme kishte ndezur mbeturinat në vozën e bërllokut e cila ishte pran një ofiçine për servisimin e autobusëve, me ç’rast flakët kanë përfshi disa goma të vjetra në ofiçinë. Për fikjen e zjarrit janë angazhuar disa fshatarë të cilët kanë qenë afër vendit të ngjarjes e ndër ta edhe një fqinj”, njofton Policia në Prizren.
“Gjatë fikjes së zjarrit fqinji ka pësuar goditje nga rryma elektrike dhe me pas është dërguar në Emergjencën e Spitalit Rajonal në Prizren për trajtim mjekësor. Për fat të keq viktima ka ndërruar jetë në spital. Hetues policor, krim teknikët dhe prokurori i shtetit kanë dalë në vendin e ngjarjes për të zbardhur rrethanat e rastit,bën të ditur zëdhënësi i policisë në Prizren”/PrizrenPress.com/
Ministria e Arsimit ka shpallur sot rezultatet e testit të arritshmërisë për nxënësit që kanë përfunduar klasën e nëntë. Nga ky test rezultati ka arritur në 63,10 për qind arritshmëri. Zyrtarë të ministrisë nuk janë edhe aq të kënaqur me rezultatin. Ky test ka për qëllim t’u mundësojë të rinjve të orientohen në shkollimin e mëtejshëm në bazë të numrit të pikëve që marrin. Pritet që së shpejti të shpallet konkursi për pranimin e nxënësve në shkollat e mesme.
Divizioni për vlerësim dhe standarde në Ministrinë e Arsimit, ka publikuar rezultatet e testit të arritshmërisë, të cilit i janë nënshtruar rreth 28 mijë nxënës që kanë përfunduar klasën e nëntë. Udhëheqësi i divizionit, Mustafë Kadriu, tha për Radio Kosovën, se rezultati i arritshmërisë me 63, 10 për qind nuk është i kënaqshëm, pasi siç tha, me këtë rezultat vetëm sa është kaluar nota 2.
“Realisht duhet ta ngremë rezultatin. Ne duhet të kalojmë te 70% arritshmëri, sepse 63% vetëm sa është kaluar nota 2. unë personalisht nuk jam i kënaqur. Konsideroj së nxënësit dhe mësimdhënësit duhet të punojnë pak më shumë që në të ardhmen të ngritët rezultati.”
Kadriu tha se rezultati i testit ndihmon nxënësit që të orientohen në shkollimin e mesëm. Ai tha se shkollat përcaktojnë kriteret se më çfarë rezultati mund të pranohen nxënësit. Kadriu iu bëri thirrje nxënësve që të mos shkojnë në ato shkolla ku në bazë të rezultatit nuk mund të arrijnë të regjistrohen.
“Secila shkollë, drejtimi i veçantë, kur del konkursi përcakton kriteret e shkollës përkatëse. Në momentin që nxënësit i kanë marrë pikët dhe me daljen e konkursit prindërit dhe nxënësit paraprakisht mund të kalkulojnë dhe të shkojnë në drejtimet përkatëse, ku konsiderojnë se kanë vend.”
Nxënësit që kanë përfunduar klasën e nëntë i janë nënshtruar testit të arritshmërisë më 23 maj. Ky test ka për qëllim t’u mundësojë të rinjve të orientohen në shkollimin e mëtejshëm në bazë të numrit të pikëve që marrin. Testi i arritshmërisë, përveçse mat arritjen e nxënësve gjatë shkollimit të ulët, është edhe një lloj vlerësimi që u bëhet mësimdhënësve dhe shkollave.
Pas një sëmundje të shkurtër, në moshën 75-vjeçare ndërroi jetë artisti i njohur Fitim Domi – Mixha Ramë.
I ndjeri Domi një kohë të gjatë ka punuar si redaktor përgjegjës i programit humoristik në ish-Radio Prishtinë, ndërsa kohëve të fundit ishte angazhuar si redaktor në programin kulturo-arsimor në Radio Kosovë.
Fitim Domi njihet për rolin e tij si Mixha Ramë në shumë programe humoristike.