Lideri i AAK’së, Ramush Haradinaj, përmes një statusi në Facebook ka shkruar se qeveritarët duhet t bëhen burra dhe t’i pranojnë zgjedhjet e parakohshme për të dalë nga kriza politike. Sipas tij situata politike në Kosovës nuk ka qenë asnjëherë më e komplikuar se sot.
Thirrja e Ramush Haradinajt:
“Thirrje ime në këto momente krize Situata politike në Kosovë nuk ka qenë asnjëherë më e komplikuar. Nuk është Kosova sot, sikur para 5-6 muajsh. Qeveria nuk mund të behet sikur nuk ka ndodhur asgjë dhe të vazhdojnë me improvizime e me provokime për t’i mbrojtur pozicionet e tyre, sepse kjo nuk është e mundur më.
Ka një mënyrë për të dalur nga kriza dhe ajo është , zgjedhjet. Këta duhet të bëhen burra e t’i pranojnë zgjedhjet.
Kjo ofertë është për t’i shpëtuar edhe ata më ftyrë, nëse kanë më. Janë vonuar për Jabllanoviqin dhe iu ka dalë keq; Janë vonuar për marrëveshjet dhe iu ka dalë keq; Sot po vonohen për shpalljen e zgjedhjeve dhe prapë do t’iu dalë keq. Vetëm se këtë herë unë druaj se do të jetë keq për të gjithë ne, për vendin dhe për qytetarët.
Prandaj nuk duhet të vonohemi edhe një herë se do të bëhët vonë për të gjithë neve. Sfida që duhet pranuar për ta kthyer vendin në rrugë të normale, janë zgjedhjet. Ata që e duan këtë vend, duhet t’i binden kësaj sfide, para se të bëhet vonë!”, ka shkruar Haradinaj.