Sot, më 15 janar 2015, bëhen 16 vjet nga masakra serbe në Reçak. Në atë ditë, më 15 janar 1999, nga forcat policore serbe u vranë mbi 45 civilë shqiptarë.
Atëherë kjo masakër kishte zënë vend në mediet dhe kancelaritë e shteteve më me ndikim në botë.
Shefi i misionit të OSBE-së, Wiliam Walker kishte shkuar në vendin e krimit shumë shpejt dhe kishte drejtuar gishtin nga lugina e masakrës duke e përcaktuar krimin me tri fjalë: krim kundër njerizimit.
Në 16 vjetorin e kësaj masakre në Reçak do të qëndrojnë kryeministri i Kosovës Isa Mustafa dhe kryetari i Kuvendit të Kosovës Kadri Veseli.