Për shkak të motit të keq që ka goditur Serbinë, më së shumti janë frikësuar banorët e Jagodinës të cilët kanë regjistruar një ngjarje të pazakontë në qytetin e tyre.
Në videot e ndryshme që tashmë janë postuar në Facebook, Twitter dhe YouTube, mbi qytetin e Jagodinës shfaqet një tornado gjigante.
Sipas medieve lokale, shiu i rrëmbyeshëm kishte filluar rreth orës 13:30 dhe kishte zgjatur rreth gjysmë ore. Dhe menjëherë ishte shfaqur në pjesën perëndimore të qytetit një re e zezë, që pas disa sekondave mori formën e tornados.