Kryetari i Partisë Demokratike të Kosovës, Memli Krasniqi, nuk bëri të ditur se do t’i shkojë në takim kryeministrit të Kosovës, Albin Kurti.
Krasniqi, nëpërmjet një komunikate të publikuar në Facebook të hënën, tha se është i hapur dhe i gatshëm për takim, vetëm kur procesi i dialogut të ketë avancim dhe diskutim konkret mbi arritjen e marrëveshjes finale me Serbinë.