Është ndërprerë ndeshja e javës së pestë në Superligën e Kosovës në basketboll, mes Rahovecit dhe Ponte Prizrenit.
Deri te ndërprerja e ndeshjes erdhi pas tensionimit të situatës tek të dyja taborët, shkruan Gazeta Express.
Tensioni i cili filloi mes basketbollistëve në parket, u bartë pastaj edhe te tifozët.
Tifozët vendas, ata të Rahovecit, u panë afër bankës së Ponte Prizrenit – ku me ç’rast pati edhe përleshje.
Si rezultat i gjithë kësaj, ndeshja mes Rahovecit e Ponte Prizrenit është ndërprerë dhe është duke u pritur për vendimin përfundimtar.
Për qetësimin e situatës u nevojit ndërhyrja e forcave policore. Momentalisht po largohen edhe tifozët nga palestra “Mizahir Isma”.
Ndeshje u ndërpre kur në semafor koha ishte 1:29 deri në fundin e çerekut të tretë.
Momentalisht Ponte Prizreni po udhëheq me rezultatin 58:63. /Gazeta Express/