24.8 C
Prizren
E shtunë, 25 Maj, 2024

Ministria e Ekonomisë paralajmëron tregtarët për çmimet e pajisjeve efiçiente të energjisë: Po ju monitorojmë

Ministria e Ekonomisë ka njoftuar se institucionet relevante për monitorim të tregut, përfshirë këtu Inspektoratin e Tregut, janë duke monitoruar në terren keqpërdorimet potenciale të çmimeve të pajisjeve efiçiente të energjisë, të cilat janë duke u subvencionuar nga Qeveria.

“Që në hartim të masave të Subvencionimit të pajisjeve efiçiente, Ministria e Ekonomisë është duke punuar ngushtë me Ministrinë e Industrisë, Ndërmarrësisë dhe Tregtisë, e cila ka në mbikëqyrje Inspektoratin e Tregut.

ME ka kërkuar gjithashtu angazhimin e Autoritetit të Konkurrencës, që ka kompetencë për të hetuar dhe për të parandaluar kartelet dhe keqpërdorimin e pozitës dominuese”.

Sipas njoftimit të ME-së, kjo ka për qëllim sigurimin e zbatimit të efektshëm të masave të subvencionimit, duke parandaluar ngritjen e çmimeve të pajisjeve, për të mbrojtur qytetarët si përfitues të subvencionit si dhe buxhetin e shtetit.

Ministria e Ekonomisë fton qytetarët që në rastet kur vërejnë manipulime me çmimet, ose parregullsi të tjera, që të raportojnë rastet te Departamenti për Mbrojtjen e Konsumatorit, përmes faqes https://konsumatori.rks-gov.net ose numrit të telefonit pa pagesë: 0800 11 000.

Më Shumë

Oficeri gjerman për ngjarjen në Prizren: Ishte një person i vdekur, disa të marrë peng, e konsideroja situatën si akt penal

Oficeri i Ushtrisë Federale të Gjermanisë, Dietrich Klaus-Jensch tha se në kohën kur kishte shkuar që të kryente bastisjen në ish-godinën e MUP-it në...

Zhduket një person në Malësi të Re të Prizrenit

Një person është zhdukur në Malësi të Re të Prizrenit. Ai vuan nga epilepsia . Njoftimi i policisë Prizren 15.05.2024 – NN. Ankuesja femër kosovare ka njoftuar...

Lajmet e Fundit