2.8 C
Prizren
E hënë, 28 Nëntor, 2022

Haradinaj: Kurti po e ndihmon planin e Serbisë për dështimin e projektit franko-gjerman

Kryetari i Aleancës për Ardhmërinë e Kosovës në një konferencë për media, tha se Serbia, sponsorët dhe satelitët e saj e kanë skenar dështimin e marrëveshjes tashmë të njohur si plani franko-gjerman që në përmbajtje e ka njohjen e Kosovës nga Serbia.

Sipas tij në këtë skenarë për fatë të keq është kyqur dhe po e ndihmon edhe kryeministri i Kosovës Albin Kurti.

“Disa herë jam deklaruar se jam betuar me thënë të vërtetën për interesat tona nacionale dhe tani do t’i sjelli disa fakte për këtë”, tha Haradinaj.

Ish-kryeministri më tej theksoi se në tetor në Prishtinë e Beograd ka ardhë marrëveshja që në përmbajtje ka njohjen reciproke Kosovë-Serbi.

“Përgjigja e Kosovës nuk është se ka qenë e qartë, por reagimi i Serbisë ishte mos pajtimi me këtë marrëveshje”, tha Haradinaj.

 

 

Kryetari i AAK-së theksoi se në fillim të nëntorit Qeveria e Kosovë ka vendosur me zbatuar vendimin për targat në veri.

“Aleati ynë më besnik e më i sigurti Amerika, duke ditur skenarin e Serbisë që ka për qëllim dështimin e marrëveshjes dhe dialogut e zhvillimet destabilizuese në veri, i ka kërkuar kryeministrit e Qeverisë së Kosovës me pezulluar këtë vendim deri në marrëveshje e me mbajt presionin në Beograd e Serbi për marrëveshjen që e ka për bazë e ka njohjen”, tha Haradinaj.

“Albin Kurti me demagogët e vet në Qeveri e jashtë saj ka vendosur mos ta ndjek rrugën që i ka thënë Amerika dhe duke vazhduar me mendimin e tij për targa. Serbia ka arritur sot me e lënë Kosovën pa përfaqësim në veri. Çka kërkon Bashkësia ndërkombëtare prej neve është se Kosovës po i kërkohet Asociacioni”, u shpreh i pari i AAK-së.

Sipas Haradinajt, rruga e ikjes nga Amerika është ajo drejt Moskës.

“Ikja e kryeministrit Kurti nga Amerika ka vetëm një rrugë, e ajo është në Moskë”, ka thënë Haradinaj.

Më Shumë

Ja kur iu dalin studentëve shtesat e qeverisë prej 100 euro

Ekzekutimi i shtesave nga 100 euro për grupin e parë të studentëve aplikues pritet të ndodhë brenda këtij muaji. Ani se nuk është bërë i...

Sulmohet me gërshërë një burrë në Korishë të Prizrenit

Një burrë është sulmuar me gërshërë nga një tjetër në fshatin Korishë të Prizrenit. Policia në raportin 24 orësh rastin e ka cilësuar si aksidental...

Lajmet e Fundit