Kryeministri i Kosovës, Albin Kurti, në konferencën për media, deklaroi se për situatën në veri të Republikës, institucionet po vazhdojnë me zbatimin e vendimit për targat.
“Institucionet po vazhdojnë me realizimin e lehtësuar të procesit të regjistrimit të targave ilagele në ato RKS – të shtetit tonë të pavarur, përfshirë edhe zbatimin e sekuencuar të vendimit të fundit të Qeverisë të datës 28 tetor 2022”, tha Kurti.
Ai theksoi se nga 1 nëntori janë shqiptuar 856 qortime apo vërejtje.
Ai përmendi faktin se Vuçiq së fundmi u takua me ambasadorin e Rusisë dhe Kinës në Beograd, kurse u shpreh se kjo tregon qartë që presidenti i Serbisë koordinohet me Rusinë e Kinën, ndërsa gënjen e zhgënjen SHBA-në dhe BE-në.
Kryeministri Kurti deklaroi se presidenti serb, Aleksandar Vuçiq i ka intensifikuar përpjekjet për destabilizim, pasi dëshiron të kamuflojë refuzimin e tij për planin franko-gjerman.
Ai tha se Serbia ka refuzuar këtë plan për ta maskuar refuzimin.