15.8 C
Prizren
E enjte, 30 Maj, 2024

Përkujtohet Zef Skiroi, poeti, etnografi dhe publicisti i shquar arbëresh

Më 10 gusht 1865, lindi poeti, etnografi dhe publicisti i shquar arbëresh, Zef Skiroi.

Fare herët, me të mësuar shkrim e këndim, thuri një vjershë kushtuar heroit kombëtar, Gjergj Kastriotit, duke brazduar njëherë e mirë hullinë që do të ndiqte më tej. Më 1890, u emërua “docent” i letërsisë antike në “Liceun Garibaldi” të Palermos dhe me pas titullar i Katedrës së Gjuhës dhe të Letërsisë Shqipe, pranë Institutit Mbretëror Oriental të Napolit. Dha ndihmesë të çmuar në ngritjen e kulturës arbëreshe.

 

Në vitin 1887, së bashku me Françesk Petën, themeloi në Palermo revistën “Arbëri i ri”.Ky periodik shërbeu si një busull identitare për arbëreshët dhe si një tribunë e krijimtarisë së autorëve të këtij komuniteti. Në këtë mënyrë, në numrat e saj gjeneruan përmbajtje Serembe, Krispi, Variboba etj.

Skiroi vijoi veprimtarinë albanologjike me botime, leksione dhe pjesëmarrje në kongrese. Veprat kryesore të tij mbeten “Mili e Hajdhia” dhe“Te dheu i huaj”. Ky personalitet i shquar i letërsisë dhe i kulturës arbëreshe ndërroi jetë në Napoli në vitin 1927.

 

Drejtoria e Përgjithshme e Arkivave publikoi sot telegramin e Djelmunisë së Elbasanit, i datës 23 korrik 1913, ku profesorit Skiroi i urohet mirëseardhja në Shqipërinë e pavarësuar. / atsh / KultPlus.com

 

Më Shumë

Gjobiten shoferët në Prizren, tejkaluan kufizimin e shpejtësisë

  Njësia Rajonale e Trafikut Rrugor ne Prizren ka hasur në shoferë të cilët në zonën ku kufizimi i shpejtësisë është 50 km/h, kanë lëvizur...

Shpetim Duro, trajner i ri i FC Suharekës

Shpetim Duro është emëruar trajner i ri i FC Suharekës. Lajmi e ka bërë me dije FC Suhareka në faqen zyrtare në “Facebook”. "Timonieri nga Shqipëria...

Lajmet e Fundit