Në Gjykatën Themelore në Prizren sot nga ora 10 do të vazhdojë seanca ndaj 13 të akuzuarve për kontrabandimin e 80 mijë kilogramëve duhan.
Në seancën e sotme do të bëhet shikimi i CD-ve si prova materiale.
Lajmi për vazhdimin e kësaj seance është konfirmuar për Klankosova.tv nga zëdhënësi i kësaj gjykate, Marcel Lekaj.
Kjo seancë ishte shtyrë të martën vetëm rreth një orë pas fillimit.
Seanca e djeshme ishte mbajtur vetëm një pjesë, pastaj për shkak të mungesës së dy zyrtarëve policorë në cilësinë e dëshmitarëve ajo ishte ndërprerë.
“Mungesën e dëshmitarëve ditën e djeshme të njëjtit e kishin arsyetuar tek Prokurorja e rastit e cila i ka propozuar si dëshmitarë për shkak të angazhimit të tyre në një plan operativ”, tha ai.
Më 17 maj, Dogana e Kosovës kishte njoftuar për përfundimin e operacionit “Katrani”, që kishte nisur në vitin 2018-të.
Ndaj 13 personave ishte ngritur aktakuzë për kontrabandim me 80 mijë kilogramë duhan.
Kjo e kishte dëmtuar buxhetin me 3 milionë euro.
Marketing
Përjetoni pushime të paharruar dhe dasma magjike në Hotel “Albes Residence”