Fshatrat Krushë, Piranë, Zojz dhe Medvec do të kenë së shpejti furnizim të qëndrueshëm me ujë të pijshëm, pasi sot filloi zyrtarisht ndërtimi i rrjetit të ujësjellësit për këto zona.
Nënkryetari i Komunës së Prizrenit Kujtim Gashi mori pjesë në ceremoninë e fillimit të punimeve për realizimin e këtij projekti jetik për banorët e fshatrave të Përdrinisë.
Sipas një njoftimi zyrtar, Komuna e Prizrenit në memorandumin e bashkëpunimit me KRU “Gjakova” ka participuar me 300.000 euro.
“Përkushtimi i qeverisjes aktuale lokale për rritjen e kapaciteteve, për shtimin e ujit të pijes në Komunën e Prizrenit, do të jetë i vazhdueshëm”, thuhet në njoftim./PrizrenPress.com/
Përjetoni pushime të paharruar dhe dasma magjike në Hotel “Albes Residence”
