Në një intervistë për emisionin “Live From Tirana” në TAR, Fabian Basha, ish-anëtar i grupit të njohur “Produkt 28,” ka ndarë mendime dhe përvoja të tij lidhur me famën dhe ndikimin e saj në jetën personale. Ai shpjegoi se si grupi e ruante stilin e jetës duke qëndruar më të tërhequr dhe të përqendruar në muzikë, duke shmangur zonat e frekuentuara si Blloku.
“Në atë kohë, famën e përjetonim me një ndikim të veçantë, dhe ajo të detyron të bësh disa zgjedhje dhe sakrifica të veçanta,” tha Fabiani.
I pyetur mbi një rikthim të mundshëm të grupit, ai tregoi entuziazëm, duke zbuluar se grupi është duke u përgatitur.
“Kemi nisur disa sesione në studio dhe jemi në një fazë paraprake. Dëshira për t’u rikthyer është e madhe, por mbetet për t’u koordinuar me angazhimet tona aktuale,” shprehet ai.
Përjetoni pushime të paharruar dhe dasma magjike në Hotel “Albes Residence”
