7.7 C
Prizren
E enjte, 3 Prill, 2025

Aktorët e Teatrit “Bekim Fehmiu” në Prizren marrin kontrata të reja të punës

Aktorët e Teatrit “Bekim Fehmiu” në Prizren kanë nënshkruar kontratat e reja të punës me afat të pacaktuar, që është vlerësuar si një hap i rëndësishëm për stabilitetin e këtij institucioni publik lokal kulturor.

Teatri i qytetit “Bekim Fehmiu” ka njoftuar se aktorët e këtij teatri kanë nënshkruar kontrata meritore sipas legjislacionit në fuqi.

“Pas përfundimit të kontratave 2+2-vjeçare, ata morën kontratat e merituara që ju takojnë sipas ligjit”, thuhet në njoftim, raporton Telegrafi.

Drejtori i Kulturës, Rinisë dhe Sportit në Komunën e Prizrenit, Adem Morina,  duke konfirmuar nënshkrimin e kontratave të përhershme, ka vlerësuar këtë hap si një konfirmim të meritave dhe përkushtimit të aktorëve që sipas tij kanë dhënë një kontribut të vlefshëm për zhvillimin e teatrit dhe jetën kulturore të qytetit.

“Kontratat e përhershme janë pjesë e angazhimit tonë për t’i mbështetur aktorët në punën e tyre artistike”, ka thënë Morina.

Sipas tij gjatë takimit është biseduar edhe për sukseset e arritura, punët e mira në vijim të teatrit si dhe për projektet në të ardhmen, raporton Telegrafi.

Sipas Ligjit të ri për Artin dhe Kulturën, teatrot dhe institucionet e tjera publike lokale të artit dhe kulturës, mbikëqyren nga komuna për të siguruar funksionimin e tyre të qëndrueshëm. /Telegrafi/

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Më Shumë

Komuna e Rahovecit hap thirrje për subvencionim të fermerëve që merren me sektorin e bletarisë

Komuna e Rahovecit, përkatësisht Drejtoria për Bujqësi, Pylltari dhe Zhvillim Rural në këtë komunë ka hapur thirrje ku fton të gjithë fermerët e Komunës...

Në një aksion policor në Rahovec arrestohen dy të dënuar nga gjykatat

Njësiti për Ndërlidhje me Gjykata, në bashkëpunim me Sektorin e Hetimeve të Stacionit Policor në Rahovec, ka realizuar me sukses një plan taktik për...

Lajmet e Fundit