17 C
Prizren
E martë, 16 Shtator, 2025

Prizreni synon avancimin e cilësisë në arsim përmes trajnimeve, certifikohen rreth 500 mësimdhënës

Rreth 500 mësimdhënës të Komunës së Prizrenit janë certifikuar pas trajnimeve të realizuara në kuadër të projektit “Avancimi i cilësisë së arsimit në Komunën e Prizrenit – Ngritja e kompetencave përmes zhvillimit profesional në fushën e menaxhimit, vlerësimit, mendimit kritik dhe gjithëpërfshirjes”, të zhvilluar nga Qendra për Avancimin e Performancës së Arsimit (QAPA) në bashkëpunim me Drejtorinë Komunale të Arsimit.

Ceremonia e ndarjes së certifikatave është mbajtur në Shtëpinë e Kulturës, me ç’rast drejtoresha e Arsimit në Komunën e Prizrenit, Luljeta Veselaj-Gutaj ka theksuar se ky është “një moment i veçantë për të njohur përkushtimin e mësimdhënësve në punë, sikurse edhe një dëshmi e rëndësisë së veçantë që ne i japim përgatitjes dhe zhvillimit të vazhdueshëm të mësimdhënësve”.

“Zhvillimi profesional është çelës për të ndërtuar një të ardhme më të mirë për fëmijët tanë dhe shoqërinë tonë. Ju jeni ata që formësoni mendjet e brezave të ardhshëm”, ka thënë Veselaj-Gutaj, duke uruar mësimdhënësit e pranishëm. Në të njëjtën kohë është zotuar se Drejtoria e Arsimit do të jetë çdo ditë pranë nxënësve dhe mësuesve për të garantuar cilësi dhe profesionalizëm, raporton Telegrafi.

 

Nehat Mustafa nga QAPA ka theksuar se trajnimet që janë organizuar kanë qenë të akredituara nga MASHTI. Sipas tij ato kanë qenë dy ditore me nga 16 orë dhe se janë valide për procesin e licencimit dhe të rilicencimit të mësimdhënësve. Ai ka shtuar se zhvillimi profesional i mësimdhënësve është parakusht për shkolla të suksesshme.

 

Më Shumë

Kurti në Prizren: Me Abrashin kryetar, qyteti punon 365 ditë në vit

Kryeministri në detyrë i Kosovës, Albin Kurti, ka qëndruar sot në Prizren për të mbështetur kandidatin e Lëvizjes Vetëvendosje për kryetar të Komunës, Artan...

Asllani vendimtar, Shqipëria fiton 1-0 ndaj Letonisë dhe ruan ëndrrën për Botëror

Në ndeshjen e zhvilluar mbrëmjen e sotme në stadiumin “Air Albania” në Tiranë, Kombëtarja e Shqipërisë mundi Letoninë me rezultatin 1-0, duke ruajtur shpresat...

Lajmet e Fundit