Komuna e Suharekës ka njoftuar se për nder të shënimit të 17-vjetorit të pavarësisë së Kosovës do të organizohet koncerti festiv, me pjesëmarrjen e Ansamblit Kombëtar të Këngëve dhe Valleve “Shota”.
Koncerti nën patronazhin e kryetarit, Bali Muharremaj, sipas njoftimit, do të mbahet të dielën më 16 shkurt 2025 në Shtëpinë e Kulturës “Ukë Bytyçi” në Suharekë, me fillim nga ora 18:00.
Në këtë koncert festiv, Ansambli Kombëtar i Këngëve dhe i Valleve “Shota” pritet që të ngrejë në skenë trashëgiminë e pasur kulturore përmes këngëve dhe valleve tradicionale. /Telegrafi/