Sot luhet ndeshja e tretë e serisë finale mes Grapelandit dhe Kekut, një përballje vendimtare që do të përcaktojë kampionin e këtij sezoni në Ligën e Parë të Kosovës në basketboll, përcjell PrizrenPress.
Pas një sezoni të ngjeshur dhe dy ndeshjeve të para tejet të luftuara, seritë janë në barazim 1-1. Tani gjithçka vendoset në një ndeshje të vetme, dhe Rahoveci është gati për sfidën përfundimtare.
Takimi zhvillohet sot (e diel), në ora 19:00 në palestrën e sportit “Mizahir Isma” në Rahovec, ku pritet një atmosferë e zjarrtë, me mbështetjen e madhe të tifozëve vendas, që janë gati të jenë lojtari i gjashtë në fushë./PrizrenPress.com