Pas sigurimit të pozitës së dytë në grupet përkatëse të Ligës së Parë, Liria dhe Vushtrria, do të duhet që të luajnë ndeshje mes veti në kuadër të barazhit për Superligë.
Pasi që TopSporti.com ka kërkuar nga FFK-ja të kuptojë datën dhe stadiumin ku do të përballet ndeshja, shpejt ka marrë përgjigjen nga zyrtari përkatës i FFK-së.
Kështu, përballja e parë e barazhit drejt Superligës ndërmjet Lirisë dhe Vushtrrisë është paraparë që të zhvillohet me datën 24 maj 2025 me fillim prej orës 16:00.
Ndërsa, skuadrat në fjalë do të takohen në “18 qershori” të Klinës.
Fituesi i kësaj përballjeje, pastaj siguron ndeshjen e playoutit që do ta lujë me ekipin që përfundon në pozitë të tetë në Superligë. Data për këtë ndeshje dhe kundërshtari i fituesit Liria-Vushtrria, kuptohet fundjavën që vjen./ts
