Klubi futbollistik Prizreni ka kënaqësinë të njoftojë rinovimin e kontratës me futbollistin Deivid Silva Costa, brazilianin e palodhshëm që ka dhënë gjithçka për fanellën portokalli e zi, raporton PrizrenPress.
I njohur për luftën pa kompromis në fushë, shpirtin garues dhe angazhimin e jashtëzakonshëm, Deivid vazhdon rrugëtimin me klubin drejt objektivave të mëdha. Ai është një nga lojtarët që nuk ndalet kurrë – qoftë në stërvitje, qoftë në ndeshje – dhe një shembull për të rinjtë e skuadrës.
“Për mua FC Prizreni është familje. Jam i lumtur që do të vazhdoj këtu, me këtë klub që më ka dhënë gjithçka”, deklaroi Deivid pas nënshkrimit.
Me përvojën dhe pasionin e tij, Deivid do të vazhdojë të jetë shtyllë e rëndësishme në mesfushë dhe udhëheqës i skuadrës në fushë e jashtë saj./PrizrenPress.com
Marketing
