Gjatë fundjavës, qyteti i Prizrenit ishte nikoqir i një spektakli të vërtetë basketbolli, ku u zhvillua turneu “Prizren Lite Quest” në formatin 3×3.
Pas dy ditë garash intensive dhe përballjesh të forta, skuadra Valencia Basket doli fituese, duke triumfuar në finale dhe siguruar një vend të çmuar për FIBA 3×3 Prishtina Challenger 2025, që do të mbahet më 19-20 korrik në kryeqytet me pjesëmarrjen e 16 ekipeve nga e gjithë Evropa.
Turneu në Prizren mblodhi 16 skuadra, ku të shtunën u luajtën ndeshjet në fazën e grupeve, ndërsa të dielën vijuan emocionet me çerekfinalet, gjysmëfinalet dhe finalen. Përveç ndeshjeve garuese, organizatorët ofruan edhe lojëra shpërblyese për tifozët, duke krijuar një atmosferë festive dhe të gjallë në zemër të qytetit.
Ky event u organizua nga 3×3 Prishtina, me mbështetjen e Federatës së Basketbollit të Kosovës./PrizrenPress.com
Marketing
