Një zjarr masiv ka përfshirë Lubizhdën e Prizrenit, si pasojë e temperaturave të larta që kanë mbretëruar ditëve të fundit. Për të parë nga afër situatën, kryetari i Komunës së Prizrenit, Shaqir Totaj, së bashku me drejtoreshën e Emergjencave dhe Sigurisë, Ramize Sinanaj Shala, ka vizituar zonën e prekur, ku janë mobilizuar të gjithë faktorët e sigurisë, raporton PrizrenPress.
Në terren po veprojnë Policia e Kosovës, Brigada e Zjarrfikësve dhe zyrtarë të komunës, të cilët janë duke punuar për menaxhimin e situatës dhe parandalimin e përhapjes së zjarrit.
“Posa vizituam fshatin Lubizhdë në Prizren, së bashku me drejtoreshën e Emergjencave dhe Sigurisë, Ramize Sinanaj Shala, ku si pasojë e temperaturave të larta që po mbretërojnë ditëve të fundit, ka shpërthyer një zjarr masiv, me ç’rast të gjithë faktorët relevant të sigurisë, Policia e Kosovës, Brigada e Zjarrfikësve dhe zyrtarë komunalë, janë në terren dhe po e përcjellin nga afër situatën.
Zjarri tashmë është lokalizuar, derisa shiu po e ndihmon angazhimin tonë, për ta mbajtur situatën nën kontroll dhe për ta garantuar sigurinë e qytetarëve e pasurisë së tyre”, tha Totaj./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
