18 C
Prizren
E diel, 31 Gusht, 2025

9 vjet burg për basketbollisten amerikane në Rusi

Ylli i basketbollit amerikan për femra, Brittney Griner, do të duhet të shpenzojë nëntë vjet në burg, për akuza të trafikimit të drogërave, pasi një gjykatë në Rusi e shpalli atë të fajshme.

Po ashtu, ajo do të jetë e detyruar të paguajë një gjobë prej 16 mijë dollarësh, si pjesë e dënimit.

31-vjeçarja, fituese e medaljes së artë olimpike me ekipin amerikan të basketbollit të femrave, u arrestua në muajin shkurt në një aeroport pranë Moskës. Në pajisjen e saj të cigares elektronike, u gjet një sasi vaji kanabisi dhe pas kontrolleve të mëtejshme, në disa ampula të tjera rimbushëse të pajisjes, të cilat ajo i kishte në valixhe, u gjetën sasi të tjera vaji kanabisi.

Në Rusi, lënda narkotike e kanabis sativës është e jashtëligjshme dhe posedimi i saj dënohet me burg.

Ekipi mbrojtës i basketbollistes amerikane bëri me dije se do ta apelojë vendimin, por rrethanat duket se janë kundër yllit amerikan të sportit.

Në çështjen e Greiner ka ndërhyrë në mënyrë direkte edhe vetë presidenti amerikan, Joe Biden, i cili ka bërë thirrje për lirimin e saj të menjëhershëm, pasi po e cilësonte si të jashtëligjshëm mbajtjen e saj në regjim burgu.

Në terma të gjerë, Moska po e bën gjithë këtë lojë me fatin e Greiner, për të rikthyer në Rusi një prej trafikantëve më të famshëm, i cili është kapur nga amerikanët: Viktor Bout, i njohur si “trafikanti i vdekjes”.

Ky i fundit, mund transferohet në Moskë në formë shkëmbimi për Greiner, në një rast që mund të cilësohet edhe si “diplomaci e pengjeve”.

Pavarësisht se të dy tashmë të burgosur, më shumë se sa si kriminelë, Greiner dhe Bout po trajtohen si pengje lufte, duke i bërë çështjet e tyre publike dhe mediatike, në mënyrë që të dy vendet të angazhohen për kthimin e qytetarëve të tyre në atdhe.

Mirëpo, ky shkëmbim, ende duket i largët. /Albanianpost.com

Më Shumë

Në prag të nisjes së shkollës nxënësit nisin përgatitjet, Kukësi shpesh zgjedh Prizrenin për blerje

Pasi hap njësinë e tij tregtare, Arben Istrefi, njëri prej tregtarëve në Kukës, rreshton dhe synon të shesë artikujt e parë në këtë periudhë...

Të shtëna me armë zjarri në Suharekë, arrestohet një person

Një burrë është arrestuar në Suharekë, nën dyshimin se kishte shtënë me armë zjarri. Sipas policisë, rasti ka ndodhur të dielën, derisa në vendin e...

Lajmet e Fundit