Paneli i Këshillit Prokurorial të Kosovës për shqyrtimin preliminar të aplikacioneve për Kryeprokuror të Shtetit ka publikuar listën prej shtatë personave të cilët i kanë hyrë garës për t’u bërë Kryeprokuror i Shtetit.
Ky panel i përbërë nga Idaim Smajli, Haxhi Dërguti dhe Merita Bina nxorën listën prej shtatë pretendentëve për ta zëvendësuar Sylën Hoxhën në këtë pozitë.
Për këtë pozitë kanë konkurruar: Agron Galani, Kryeprokuror i Pejës; Shyqyri Syla, Kryeprokuror i Mitrovicës; Aleksandër Lumezi, Kryeprokuror i Apelit; Imer Beka Kryeprokuror i Prishtinës; Laura Pula, Prokurore e Shtetit; Metush Biraj ushtrues i detyrës së Kryeprokurorit në Prizren dhe Agron Matjani, Prokuror në Gjakovë.
Në fakt, Sylë Hoxha është ushtrues i detyrës së Kryeprokurorit që nga korriku i këtij viti pasi që ish Kryeprokurori Ismet Kabashi doli në pension./Kallxo.com/