E lindur në Tokyo, Yoko Ono, 81 vjeçare, është artiste e mirënjohur e multimedias dhe promovuese e paqes. Ajo është shkolluar për muzikante para se të bëhej artiste performuese në New York. Ka qenë e martuar me John Lennon, prej vitit 1969 deri në vrasjen e tij më 1980. Ono e ka një vajzë që quhet Kyoko me një burrë të mëparshëm, si dhe një djalë, Sean, me Lennon.
Kjo është një intervistë e saj, me Pyetje/Përgjigje, për The Guardian.
Kur keni qenë më së shumti e lumtur?
Yoko Ono: Kur fle.
Cila është frika juaj më e madhe?
Yoko Ono: Ajo së cilës i frikësohem se do të vijë.
Cila është kujtimi juaj më i hershëm?
Yoko Ono: Kur kam qenë në mitrën e nënës.
Cilin person të gjallë e admironi më së shumti dhe përse?
Yoko Ono: Veten, sepse e njoh veten më së miri.
Për çfarë tipari tuajin ndjeni keqardhje?
Yoko Ono: Kur aksidentalisht e shikoj veten në pasqyrë.
E tek të tjerët?
Yoko Ono: Kur nuk kanë mirësjellje ndaj të tjerëve.
Cili ka qenë momenti juaj më i turpshëm?
Yoko Ono: Kur ua harrova juve emrin.
Ç’posedim juaji ka vlerën më të madhe?
Yoko Ono: Mendja ime.
Cila do të ishte fuqia juaj më e madhe?
Yoko Ono: Aftësia për të kujtuar që jam OK.
Nëse do të mund të kthenit diçka të zhdukur në jetë, çfarë do të zgjidhnit?
Yoko Ono: Burrin tim, i cili ka qenë mirësi për botën.
Kush do t’ju luante në filmin për jetën tuaj?
Yoko Ono: Vajza ime.
Cili është zakoni juaj më i papëlqyeshëm?
Yoko Ono: Tregimi i së vërtetës.
Çka dëshironit të bëheshit gjersa rriteshit?
Yoko Ono: Shkrimtare.
Cila libër jua ka ndryshuar jetën?
Yoko Ono: Një që e kam shkruar në vitin 2000, Frutarrushi (Grapefruit), që është një libër me sugjerime për artin e jetën. Është lexuar goxha shumë.
Cila është fjala juaj e preferuar?
Yoko Ono: Dashuria.
A është më mirë të japësh a të marrësh?
Yoko Ono: Të japësh, jep kënaqësi. Të marrësh, mund të jetë e sikletshme.
Çka u keni borxh prindërve?
Yoko Ono: Urtësinë.
Kujt do të donit t’i thoshit më së shumti “më vjen keq” dhe përse?
Yoko Ono: Nënës sime. Nuk i kam thënë asaj të dua aq shumë sa është dashur.
Çka ose kush është dashuria më e madhe e jetës suaj?
Yoko Ono: Burri im.
Cila ka qenë puthja më e mirë e jetës suaj?
Yoko Ono: Atë që John ma ka dhënë përpara se të vdiste.
A keni thënë ndonjëherë “të dua” dhe nuk e keni menduar atë?
Yoko Ono: Është shumë e rrezikshme ta thuash nëse nuk e mendon.
Kë do ta ftonit në darkën tuaj të ëndrrave?
Yoko Ono: Të gjithë aktivistët që mundohen ta bëjnë botën më të mirë.
Kush ka qenë dëshpërimi juaj më i madh?
Yoko Ono: Unë.
Nëse do të mund të ktheheshit prapa në kohë, ku do të shkonit?
Yoko Ono: Në mitrën e nënës sime, që ta kaloj më mirë kësaj radhe.
Sa shpesh bëni seks?
Yoko Ono: Varet se çka quani seks.
Kur keni qenë më së afërti me vdekjen?
Yoko Ono: Çdo ditë.
Cili është suksesi juaj më i madh?
Yoko Ono: Që kam mbijetuar 81 vjet, dhe po pres të tjera.
Çka ju mban zgjuar natën?
Yoko Ono: Qielli i bukur i natës.
Çfarë kënge do të donit të luhej në funeralin tuaj?
Yoko Ono: Nuk besoj në funerale.
The Guardian / Përktheu: Politiko.net