Sot shënohet nëntë vjetori i vdekjes së ish-presidentit të Kosovës Ibrahim Rugova. Ai ka vdekur më 21 janar të vitit 2006, ndërsa më 26 janar u varros, me nderime të larta shtetërore dhe ushtarake në Prishtinë.
Në organizim të LDK-së në hotelin Emerald afër Prishtinës në orën 12.00, do të mbahet një akademi përkujtimore kushtuar Ibrahim Rugovës ku do të flasë Kryeministri dhe njëherit kryetar i LDK-së Isa Mustafa.
Në orën 11.00, kryetari i Lidhjes Demokratike të Kosovës, Isa Mustafa dhe anëtarët e Kryesisë qendrore do të bëjnë homazhe te varri i Presidentit Rugova, si dhe do të vizitojnë familjen Rugova në Velani. Homazhe do të bëjnë edhe anëtarët e Kryesisë së degës së tretë të LDK-së.
Presidenti i Kosovës dhe lideri shumëvjeçar i LDK-së Ibrahim Rugova vdiq nga një sëmundje rëndë në vitin 2006 në Prishtinë.
Burrë shtetas dhe politikanë të njohur botërorë kanë vlersuar lart figurën e Ibrahim Rugovës.
Përpjekja e madhe e Presidentit Rugova për lirinë, demokracinë dhe pavarësinë e Kosovës ka të njejtat përmasa me fushatat e ngjashme paqësore dhe historike të Mahatma Gandidit, Nelson Mandelës dhe Martin Luther Kingut”.
Në përvjetorin e parë të vdekjes së Ibrahim Rugovës, më 21 janar 2007, ish-presidenti i Kosovës, Fatmir Sejdiu, dekoroi Rugovën me Urdhrin “Hero i Kosovës”, titulli më i lartë në vendin tonë që u jepet figurave historike shqiptare dhe të Kosovës.
Dr. Ibrahim Rugova lindi më 2 dhjetor të vitit 1944 në fshatin Cerrcë, komuna e Istogut. Më 10 janar 1945 komunistët jugosllavë ia pushkatuan të atin, Ukën dhe gjyshin Rrustë Rugova, që kishte qenë luftëtar i njohur kundër çetave çetnike që po depërtonin në Kosovë gjatë Luftës së Dytë Botërore.
Ibrahim Rugova u zgjodh, më 23 dhjetor 1989, kryetar i Lidhjes Demokratike të Kosovës, partisë së parë politike në Kosovë që sfidoi drejtpërdrejt regjimin komunist, ndërsa më 24 maj 1992 u zgjodh kryetar i Republikës së Kosovës.