Gjatë javës që lamë pas në komunën e Suharekës, kanë ndodhur një vetëvrasje dhe një tentim vetëvrasjeje, u tha sot në takimin e rregullt për koordinim të sigurisë lokale.
Sipas komandantit të stacionit policor në Suharekë, major Arsim Berisha rasti i parë ka ndodhur në fshatin Maçitevë, ku një i ri i moshës 24 vjeçare me një armë gjysmë automatike ka bërë vetëvrasje. Trupi i tij i pajetë është gjetur 500-600 metra larg shtëpisë së tij, ndërsa pas obduksionit është vërtetuar se ka bërë vetëvrasje. Ndërsa rasti i dytë ka ndodhur në Suharekë, një femër e moshës rreth 60 vjeçare, ka tentuar të bëjë vetëvrasje pas një mosmarrëveshjeje me bijën e saj.
Në këtë takim të cilin e kryesoi nënkryetari i komunës Rexhep Kuçi, u fol edhe për punët dhe aktivitetet që po bënë komuna në realizimin e projekteve të parapara për këtë vit si dhe rreth takimeve që po organizohen në zyrën e kryetarit dhe jashtë saj.