Përfaqësuesit e Lëvizjes Vetëvendosje, Albin Kurti e Aida Dërguti priten sot ambasadoren e Finlandës në Kosovë, Anne Meskanen, me të cilën diskutuan për zhvillimet politike të kohëve të fundit në Kosovë, mbi gjendjen sociale dhe ekonomike, si dhe emigrimin e qytetarëve të Kosovës drejt Perëndimit. Ambasadorja Meskanen u interesua nga Kurti e Dërguti për qëndrimet dhe aktivitetet e Vetëvendosjes për një varg temash.
Sipas kumtesës për opinion të Lëvizjes Vetëvendosje, Albin Kurti gjatë takimit theksoi se EULEX-i është dashur të japë përgjegjësi për një miliard e gjysmë euro të taksapaguesve evropianë, sa i shpenzoi për shtatë vjet në Kosovë, e jo të na shtohet tash Gjykata Speciale. Ndërkaq, çështja e emigrimit të qytetarëve është pasojë e orientimit dhe sistemit të gabuar ekonomik, shpjegoi Kurti, duke thënë se privatizimi dhe investimi në infrastrukturë nuk kanë sjellë zhvillim dhe se Kosova urgjentisht duhet të kthehet kah prodhimi vendës.
Përgjatë takimit u diskutua edhe çështja e dialogut me Serbinë si dhe puna opozitare e Lëvizjes Vetëvendosje në Kuvendin e Kosovës e në protesta të vazhdueshme.