Janë ndërprerë kërkimet për gjetjen e të zhdukurit Lurian Ymeri nga Prizreni. Zëdhënësi i Policisë në Prizren, Hazir Berisha tha se përkundër kërkimeve intensive, Policia, FSK-ja dhe KFOR-i nuk kanë arrit të gjejnë Lurianin e zhdukur.
“Nga dita e sotme ato janë ndërprerë kërkimet. Me këtë rast do të merret Inteligjenca e Policisë”, konfirmoi Berisha për TVPZ.
Lurian Ymeri është zhdukur pa gjurmë javën e kaluar në Prizren. Familjarët kanë njoftuar policinë për zhdukjen e djalit të tyre.
Zëdhënësi i PK-së në Prizren Hazir Berisha tha e pjesë e kërkimeve kanë qenë edhe KFOR-i dhe FSK, por deri ditën e sotme nuk është gjetur personi i zhdukur.
“Gjatë kërkimeve, KFOR-i ka angazhuar edhe mjete fluturuese për vëzhgimin e terrenit nga ajri, ndërsa FSK ka angazhuar forca për kërkim shpëtim në shumë zona ku është dyshuar se mund të ndodhej i dyshuari, por pa ndonjë sukses”.
“Policia i bën thirrje qytetarëve, të cilët mund të kenë njohuri për vendndodhjen e Lurianit apo nëse rastësisht e takojnë të njëjtin, ta informojnë Policinë e Kosovës”./PrizrenPress.com/