Drejtori i Drejtorisë së Urbanizmit dhe Planifikimit Hapësinor, Sadik Paçarizi, kërkon nga Asambleja Komunale që sa më shpejt ta miratojnë Planin Zhvillimor të Prizrenit.
“ Kërkoj që Kuvendi Komunal të miratojë sa më shpejt Planin Zhvillimor dhe zhvillimi i qyteti të mos mbetet peng i këtij plani”, tha Paçarizi.
Ai po ashtu kërkon që të miratohet edhe taksa e re komunale.Paçarizi tha se drejtoria që drejton ai deri më tash ka bërë një punë të madhe. Sipas tij, si rezultat i punës që është bërë në këtë drejtori, qytetarëve i janë krijuar lehtësira të mëdha.
“Kemi bërë një punë të madhe në këtë drejtori. Nga kjo punë qytetarëve ju kanë krijuar shumë lehtësira”, tha Paçarizi.
Ai kërkoi nga qytetarët që të respektojnë ligjin për Qendrën Historike të Prizrenit. “Vetëm së bashku mund ta ruajmë Zonën Historike të Prizrenit, tha Paçarizi. /PrizrenPress.com/