Kryetari i Komunës së Prizrenit, Ramadan Muja i ka shpall “luftë” lypsarëve. Ai ka kërkuar nga policia që të marrin aksion për largimin e lypsarëve nga Prizreni.
“Prania e lypsarëve në qendër të Prizrenit, mund të ndikojë në interesimin e vizitorëve, pasi që ndodhemi në prag të sezonit turistik”, ka thënë Muja.
Zëdhënësi i Policisë së Kosovës në Prizren, Hazir Berisha ka thënë ndërkaq se policia është duke i marrë të gjitha masat në largimin e lypsarëve.
“Policia vazhdimisht i ka larguar nga qyteti lypsarët, por numri i tyre është rritur kohën e fundit”, ka thënë Berisha.
Sipas tij, qyteti i Prizrenit është më i frekuentuar nga lypsarët.
“Policia do të marrë aksion sërish për largimin e tyre nga qyteti”, shprehet ai. /PrizrenPress.com/
