Nijazi Ademaj është zgjedhur dje kryetar i Degës së LDK-së në Zhur. I pranishëm në Kuvendin Zgjedhor ishte edhe kryetari i Degës së Prizrenit, Haxhi Avdyli dhe deputetët e Kuvendit të Kosovës, Hatim Baxhaku dhe Anton Quni.
Kryetari Haxhi Avdyli ka premtuar se Zhuri nuk do të jetë i anashkaluar.
“Zhuri dhe fshatrat e tjera të kësaj ane do të jenë pjesë e plan-programeve zhvillimore të LDK-së”, ka premtuar Avdyli.
Ndërkaq, zgjedhja e Nijazi Ademajt në krye të LDK-së në Zhur, ka hasur në reagime të të rinjve të këtij subjekti politik.
Kryetari i nëndegës së LDK-së në Vlashnje, Petrit Hoxha nuk ka marrë pjesë në Kuvendin Zgjedhor në Zhur. Ai në profilin e tij në Facebook ka treguar arsyet pse nuk ka marrë pjesë në këtë kuvend zgjedhor.
“Nuk dua të jem pjesë e njerëzve të vjetër të cilët që 25 vjet përfitojnë nga LDK-ja dhe ende vazhdojnë të përfitojnë”, shkruan Hoxha.
“Do të jem kundër njerëzve të vjetër”.
“Ne nuk bëmë zgjedhje për Degën, por vetëm zgjidhje për individ” ./PrizrenPress.com/