Kryeministri i Kosovës, Isa Mustafa, nuk ka mundur t’u garantojë asgjë sa i përket rivarrimit të eshtrave të Isa Boletinit, në Boletin, më 10 qershor, kryetarit të Mitrovicës, Agim Bahtiri, dhe familjarëve të heroit, të cilët nga i pari i Qeverisë kanë kërkuar që ta anulojë vendimin e Këshillit Organizativ për rivarrimin e eshtrave të Isa Boletinit në Vlorë.
Mustafa ka thënë se do të bisedojë për këtë çështje, para së gjithash me Këshillin Organizativ, pasi që aty është marrë vendimi, por edhe me të tjerët sidomos me zëvendësin e tij, Hashim Thaçi, i cili në emër të Qeverisë së Kosovës ka dhënë idenë për rivarrimin e eshtrave të Isa Boletinit, në Vlorë, të cilën ide e ka përkrahur edhe Këshilli Organizativ.
Mbase për këtë shkak, kryeministri i vendit edhe nuk ka mundur të vendosë vetë për anulimin e vendimit të KO-së, apo që të marrë një vendim të prerë…/zeri/