Pamela Cohn ka bërë një përzgjedhje për projektet filmike që sivjet vijnë në DokuFest në kuadër të programit “Sound of my soul”.
Përzgjedhja sjellë filmat që sfidojnë relacionin e gjuhës, tekstit dhe dialogut muzikor. Një miks i fiksionit, esesë, dokumentarit dhe filmave të gjatë eksperimentalë vijnë në “Sound of my Soul”, për të zbuluar më thellë diskursin filmik dhe atë gjuhësor.
Dokumentari i realizuar nga Vincent Moon – “Kangë e Defa”, me ndihmën e këngëtares Fatime Kosumi – është vetëm një prej filmave të përfshirë në këtë përzgjedhje. Vistas e Visões nga André Francioli, Liahona, Talena Sanders + Second Sighted nga Deborah Stratman, Swimming In Your Skin Again nga Terence Nance dhe të tjerë filma janë pjesë e seleksionit.
DokuFest sivjet nis me datë 8 gusht dhe zgjat deri me 16 gusht, në qytetin e bukur të Prizrenit. /KultPlus.com/