Shkruan: Skender Berisha
Po krihet vape edhe pak rrihet
shket nën hije turreci me turr turr
qanë një lule e venitur për ujë
prej hiçit hiç s’bëhet gjë kurrë
kruhen gurët e lumit nën ujin
që përton deri në delirion
midis tyre thellë diçka trokon
si shpirti i gërryer po gjëmon
dehet dita buzërreshkur në verë
në dremitje ëndërron tjetër gjendje
një bardhësi të bardhë që derton
kur pjalmi i borës nis e kullon
një çast të dua për të nxehtë
ashtu si je sot e rëndë a e lehtë
një petë lakrorit po i hiqet vërtetë
tashti mora udhën për tepërpjetë
11 korrik 2015,Prizren