Është publikuar albumi i shtatë me radhë i grupit britanik të rokut alternativ, Coldplay, i titulluar “A Head Full of Dreams”.
Albumin, për të cilin është paralajmëruar të jetë krejt ndryshe prej tingujve romantik të “Ghost Stories”, adhuruesit e grupit mund ta gjejnë që nga sot (4 dhjetor) në iTunes, Amazon dhe Vinyl.
“Ky album është sikur libri i fundit i Harry Potter-it. Jo që s’do të ketë të tjerë, por ky album shërben si fundi i diçkaje”, ka thënë Martin për BBC Radio 1.
Ishte pikërisht ky kanal i cili e shpalli këngën e Coldplay, “Magic”, këngën më të mirë të vitit 2014. Albumi “Ghost Stories”, ndërkaq, arriti të jetë numri 1 në Britaninë e Madhe dhe u dalluan këngët me videoklipe “Magic”dhe “Sky Full of Stars”.
Ndërkohë është konfirmuar edhe se Coldplay do të interpretojë në ndeshjen e famshme të ligës kombëtare te futbollit në SHBA, Super Bowl, në shkurt të vitit të ardhshëm.