Ende pa u formuar mirë, Partia Konservatore, ka filluar të përballet me dorëheqjet e para. Për shkak të mospajtimeve, gjashtë anëtarë të Kryesisë kanë dhënë dorëheqje nga ky subjekt politik.
Taner Kotel, Merit Ashikferrki, Nurja Qyrt, Sebel Shole dhe Diner Derver, kanë dorëzuar me shkrim dorëheqjen e tyre në Partinë Konservatore. Ata akuzojnë kryetarin e PK-së, Munir Bashën për shpifjen që ka bërë në drejtim të tyre.
Partia Konservatore është formuar pas përplasjeve dhe largimit të disa anëtarëve nga Partia e Drejtësisë. Ky subjekt politik për herë të parë ka planifikuar të garojë në zgjedhjet lokale në Prizren.
Burimet e sigurta të “PrizrenPress-it” bëjnë të ditur se gjashtë anëtarët që kanë dhënë dorëheqje nga Kryesisë se PK-së, kanë filluar të interesohen për të kaluar te Bashkimi Demokratik i Zafir Berishës. “Ata janë të interesuar që t’i bashkëngjiten Zafir Berishës”.
Gjashtë anëtarët që kanë dhënë dorëheqje nga PK-ja, sipas burimit të “PrizrenPress-it”, në ditët e ardhshme do të negociojnë me kryetarin e Bashkimit Demokratik të Prizrenit, Zafir Berisha për të kaluar në këtë subjekt politik. /PrizrenPress.com/
