9.8 C
Prizren
E hënë, 7 Tetor, 2024

Ambientet e “Birra Korça”, arenë festive

Birra-festRituali i traditës korçare ,i kalimit te mbrëmjeve verore në natyrë, nën tingujt e serenatave dhe e shoqëruar me një gotë birre në tavolinë, ka bashkuar qytetarët në ambientet e “Birra Korçës”.

Korçarë, por edhe mysafirët e ardhur nga rrethet, mbrëmjen e së premtes, nën tingujt e kitarave, kanë shijuar ‘Birrën Korça’ dhe gatimet tradicionale, ndërsa kanë kënduar së bashku me serenatistët, këngët më të njohura korçare.

Të pranishmit kanë përjetuar emocione të së shkuarës,ndërsa kanë vlerësuar ‘Birrën Korça’ si një birrë të shkëlqyer dhe të domosdoshme në këto ditë të nxehta vere.

“Edhe atmosfera që krijon Pallati i Kulturës me organizimet është mjaft e mirë edhe birra është shumë e mirë, cilësia është e lartë dhe çmimi është i arsyeshëm. Ndjehemi të lumtur për qytetin tonë. Vimë shpesh këtu, jemi të kënaqur me shërbimin, birrën. Në këto ditë të nxehta vere s’ka ngopje me këtë birrë.”- shprehen qytetarët, transmeton BW.

Mes trokitjes së gotave të birrës festa ka vijuar gjatë,ndërsa ambientet e “Birrës Korça’ janë kthyer në një arenë të madhe festive. Përveç kësaj, investimi më i ri i ‘Birrës Korça’ i ndërthurur me një teknologji moderne dhe i vendosur në këto ambiente, duket se ka qenë një tjetër element që ka tërhequr turistët vendas edhe të huaj për tu bërë pjesë e mbrëmjes festive.

“Në këto ditë të nxehta të fundkorrikut dhe të gushtit, në lokalin e “Birrës Korça” ka një mbipopullim. Ne u ofrojmë turistëve të huaj dhe vendas, ashtu si dhe qytetarëve të Korçës që të vijnë dhe të kënaqen në “Birra Korça”. Ju ofrojmë kurnace korçe, muzikë korçe dhe ajo që është më e mira, “Birra Korça”. Ka qenë dhe mbetet birra më e mirë e Shqipërisë. Në 14-18 gusht do të bëhet edhe festa e “Birra Korçës”. Ne do t’i kënaqim dhe në lokalin tonë dhe në festën e “Birra Korçës” që është festa më e madhe shqiptare.”-shprehet menaxheri Pandush Leco.

I konsideruar si një eveniment i veçantë kulturor, mbrëmja në ambientet e ‘Birrës Korça’ në stinën e verës vjen ndryshe. Krahas menusë së pasur me gatime tradicionale, çmimeve të arsyeshme ,shërbimit të shpejtë dhe të kulturuar, tek ‘Birra Korça’ mund të gjesh gjithçka që të gjallëron jetën dhe të bën të mendosh për tu kthyer sërish.

Më Shumë

Prokuroria Themelore në Prizren ndalon dy persona për vepra penale

Prokuroria Themelore në Prizren, Departamenti i Përgjithshëm, ka ndaluar për 48 orë dy persona të dyshuar në dy raste të ndara, me urdhër të...

Aksident i rëndë në Prizren, motoçiklisti godet një veturë

Një aksident i rëndë trafiku ka ndodhur të premten në Prizren. Policia njofton se një person derisa ishte duke lëvizur me motoçikletën e tij, ka...

Lajmet e Fundit