Guns N’ Roses së bashku me Axl Rose dhe kitaristin Slash, do të rikthehen për të performuar në Indio në Kaliforni në prill të vitit që po vjen, në festivalin e përvitshëm Coachella Music & Arts Festival.
Kjo do të jetë shfaqja e tyre e parë që kur grupi ishte ndarë në vitin 1993.
Billboard ka raportuar sot për këtë çështje duke cituar disa burime. Pasi të performojnë në Coachella, është përfolur se grupi do të performojë edhe në një stadium në Amerikën Veriore verën e ardhshme, turne i cili do të përmbyllet në Las Vegas.
“Guns N’ Roses thuhet të kenë kërkuar 3 milionë dollarë për një shfaqje, dhe biletat do të kushtojnë nga 275 dollarë”, raporton Billboard, transmeton Klan Kosova.
Grupi Guns N’ Roses, janë rok bendi me suksesin më të madh në llojin e muzikës që bëjnë në të gjitha kohërat, duke shitur 100 milion kopje të albumit të tyre në mbarë botën.