Policia e Kosovës ka arrestuar dy persona për vrasjen që ndodhi në Suharekë javën që shkoi.
Burime të Indeksonline brenda Policisë së Kosovës marrin vesh se njëri nga të arrestuarit është nga Lipjani, i cili ka treguar ngjarjen, duke rrëfyer se pjesëmarrës ishin tre person.
Policia e Kosovës raportohet se tashmë u ka rënë në gjurmë vrasësve vetëm dy ditë pasi ndodhi ngjarja.
Vrasja kishte ndodhur në fshatin Sopi të Suharekës, ku dyshohet se persona të armatosur kanë qëlluar mbi Egzon Mazrekun dhe babanë e tij, Naimin, në shtëpinë e tyre ku kishin hyre për të kryer vjedhje.
Egzoni kishte vdekur nga plaga, ndërsa babai i tij, Naimi është duke u trajtuar në QKUK.