Policia është duke i bërë të gjitha përpjekjet për të kapur Xhevat Hysenajn, i dyshuari kryesor i vrasjes së Egzon Mazrekut nga fshati Sopi e Suharekës.
Zëdhënësi i Policisë në Prizren, Hazir Berisha, edhe një herë apeloi tek qytetarët, që mos të hezitojnë të informojnë nëse kanë ndonjë informacion për vendndodhjen e të dyshuarit Xhevat Hysenaj.
Për vrasjen e Egzon Mazrekut, dhe plagosjen e babait të tij, Naimit, në paraburgim ndodhen dy të dyshuar, ndërkaq që mbrëmë është vetëdorëzuar Naser Makolli. /PrizrenPress.com/