Deputeti i LDK-së në Kuvendin e Kosovës, Muhamet Mustafa, ka thënë se lufta politike me ngjyrim partiak nuk bën të bëhet rreth marrëdhënieve me Serbinë.
Ai në një intervistë për “Epokën e re” ka thënë se marrëdhëniet me Serbinë janë shtetërore, jo partiake.
“Kuvendi është organi suprem për të thirrur debat, i cili mund të zhvillohet edhe në forma të tjera, por përjashtimi i Kuvendit nga ky debat është non sens, i dëmshëm dhe i rrezikshëm për stabilitetin e vendit”, ka thënë Mustafa.