Ai është një nga artistët më rebel të skenës shqiptare, por mesa duket këtë herë kantautori Kastro Zizo i ka “hapur zemrën” gazetares Gerta Gixhari gjatë një interviste në TVSH.
Kastro është shprehur rreth dy fëmijëve të tij Dankan dhe Nia, duke treguar rreth vështirësive për rritjen e tyre.
Ai është shprehur se dy fëmijët e tij janë takuar vetëm njëherë me njëri-tjetrin.
Ndonëse ish-partneret e tij e urrejnë Kastron sipas tij, ato duket se janë të kujdesshme për t’i edukuar fëmijët me dashuri për Kastron.
Gjithashtu i pyetur nëse i përmbush detyrimet e tij si i divorcuar për fëmijët që nuk jetojnë me të, këngëtari tha se ndonjëherë ka qenë e vështirë për t’u përgjigjur në kohë me pagesa, por prap ai ka ditur t’i sigurojë ato para duke marrë shpeshherë edhe borxhe.